بلوچستان ءِ بُنجاھی شھر شال ءَ ڈپٹی کمشنر (ڈی سی) ءَ شھر ءِ یک نامداریں ربیدگی ءُ زانت ءِ بُنجاہ زوار کتابجاہ چَٹّ بند کُتگ۔
کتابجاہ گنی بلوچ ءِ کھول ءِ مڈّی اِنت، کہ آ براھوئی ادب ءِ یک ایم پل اسکالر ءُ سیاسی باسکے، آئی ءَ را پاکستانی چیریں اداراھاں گْوستگیں سال مئی ءَ چہ ھزدار ءَ زورانسری آوار جَتگ۔
چہ ھکومتی نیمگ ءَ کتابجاہ ءَ را سیل کنگ ءِ ھُکم ءَ چہ ماھاں زورانسری بیگْواھیں مرد ءِ آماچیں کھول ءِ روزیگ ءِ بند کنگ ءُ کتابانی سر ءَ بندش گوشگ بوگ ءَ اِنت۔
گنی بلوچ ءِ کھول، کہ آئی ءِ یل کنائینگ ءِ ھاتر ءَ یکشل ءَ زھرشانی کنگ ءَ اَنت۔ کھول ءِ گوشگ انت کہ دکان ءِ بند کنگ ءُ بیھار دیگ ءِ عمل گْوشتگ ءُ اے لوٹ کُرتگ کہ دکان زوتاں چہ زوت پچ کنگ بہ بیت۔