30اگست ءَ ‘ یاد ہی شناخت ہے’ ءِ سرھال ءِ سر ءَ جتا جتائیں مراگش برجم دارگ بنت- بی وائی سی

بلوچ یکجھتی کمیٹی ءَ وتی شنگ کتگیں درشان ءَ گوشتگ سرجمیں دنیا ءَ ھمک سال 30 اگست زورانسری بیگواھیانی روچ برجم دارگ بیت انت- میان اُستمان اے روچ ءَ سنگینے جرمے ءِ پاشک کنگ من اتگ دانکہ دنیا اے سرپد بہ بیت کہ زورانسری ایوک ءَ یک مردمے ءِ بیگواہ کنگ ءِ نام نہ انت بلکیں یک سرجمیں چاگردے ءِ پجار، گوستانک ءُ یادانی گار کنگ ءِ جھد انت-

اَچ بلوچستان ءَ ھزارانی مھلوک وتی دوستیگیں مردمانی یل بیگ ءِ ودار ءَ انت آیاں ایوک ءَ وتی مردمانی جسم ءُ جان پچگرگ بیتگ انت بلکیں آیانی توار ءُ جد ءُ جھد ءِ گار کنگ ءَ آ یکشل ءَ بیھار، درد ءُ ناشرکاری وڑیں بھتامانی نشانگ بیتگ انت-

ھمے درچ ءَ بلوچ یکجھتی کمیٹی اے سال ءَ میان اُستمانی زورانسری بیگواھی ءِ روچ ءِ درگت ءَ یک مھمے ءِ بندات ءَ کنگ ءَ انت کہ آئی ءِ سرگپ انت ‘ یاد ہی شناخت ہے’

آئی ءَ گوشتگ ما مھلوک ءَ گوں دزبندی کن ایں اے روچ ءَ مُچانکی دروشم ءَ دنیا ءِ دیم ءَ بیت انت-

بھر زیرگ ءِ واستا 30 اگست ءِ بیگاہ ءِ ساھت 5 ءَ کجام ھند ءَ مُچ بیگ ءُ وتی بیگواھیں مردم ءِ اکس، پُچ، چمپل، ھرچ ھما داد ءُ یاداں گوں وت بیار ات ءُ پنچ دمان ءِ ھاتر ءَ بے تواری ءِ ودار ءَ کلوھی دروشم ءَ بی وائی سی ءِ وٹسپ نمبر ءَ دیم ایش بہ دے ات-