ناورے ءَ اسٹریٹ چائلڈ فبٹال ءِ چیمین شپ ءِ میان ءَ چہ لیاری ءَ سادی داروکیں کھلاڑی بیگواہ

ناورے ءَ برجاہ اسٹریٹ چائلڈ فٹبال چیمپئن شپ ءَ بھر زیرگ ءِ ھاتر ءَ چہ کراچی ءَ رؤکیں کھلاڑی امان اللہ بلوچ بیگواہ بیتگ آ مسلم ھینڈر کلب ءِ سروکی کنگ ءَ بیتگ ءُ کراچی ءِ دمگ سنگولین لیاری ءَ چہ سیادی داروک بیتگ-

ھالانی رِد ءَ امان اللہ ءِ ٹیم ءِ آ دگہ باسکانی ھمراھی ءَ ناروے ءِ بُنجاھی شھر اوسلو ءَ ساڑی بیتگ کہ اود ءَ یک وش آتکی مراگشے ءِ میان ءَ آ فون ءَ گپ ءَ بیتگ کہ آ ڈن ءَ درتکگ ءُ ٹیکسی ءَ شتگ-

اشی ءَ پد آ ٹیم ءَ واتر نیتکگ ءُ آئی ءِ ھچ وڑیں ھال سر نہ بیتگ-

ٹیم انتزامیہ ءَ وئیل ءِ ھال ناروے پولیس ءُ پاکستانی سفارت خانہ ءَ داتگ ءُ واکدار ءَ اے جیڑہ ءَ پٹ ءُ پول کنگ ءَ اِنت-

ٹیم ءِ منیجمنٹ ءِ گوشگ اِنت کہ جیڑہ ءَ دمگی پولیس ءَ داتگ ءُ بیگواھیں کھلاڑی ءِ پٹ ءُ پول برجاہ اِنت-

زانگ بہ بیت کپ اے وئیل انچیں وھدے ءَ بیتگ وھدے گوستگیں دو ماہ پاکستان ءَ چہ یورپ ءَ رؤکیں کھلاٹی درانڈیھ ءَ بیگواہ بیتگ اَنت-

اشی ءَ ساری میان استمانی یونیورسٹی گیمز ءِ میان ءَ چہ پنجاب ءَ چہ سیادی داروکیں دو کھلاڑی جرمنی ءَ بیگواہ بیتگ اَنت-

تنی وھدے اے زانگ نہ بیتگ کہ امان اللہ ءَ بیگواھی ءِ سبب ءَ چی اِنت، بلے آئی ءِ ٹیم مینجمنٹ ءِ رِد ءَ وئیل سرجمی ءَ پٹ ءُ پول برجاہ ءَ اِنت-