بلوچستان لبریشن فرنٹ ءِ جارکش میجر گْوھرام بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ مئے سرمچاراں پانزدہ جولائی ءِ سُھب ھپت نیم ءَ کلات ءِ دمگ خزینئی ءَ شال – کراچی بُنجاھی شھدگ سر ءَ یک سوبمندیں کاروائی ءَ زورگریں پاکستانی پوج ءِ یک گاڑی یے ریموٹ کنٹرول آئی ای ڈی بمب تراک ءَ چہ نشانگ کتگ چریشی ءِ آسر ءَ گاڑی تباہ بیتگ ءُ گاڑی ءَ سوار چار کارندہ مرتگ اَنت وھدے کہ دو ٹپی بیتگ اَنت-
جارکش ءَ گْوشتگ کہ دگہ یک کاروائی یے بی ایل ایف ءِ انٹیلیجنس ونگ ءِ ھالانی رِد ءَ پیسر ءَ چہ سنگر گپتگیں سرمچاراں شانزدہ جولائی ءَ جھاؤ ءِ دمگ گجرو کور ءَ زورگریں پاکستانی پوج ھما وھد ءَ نشانگ کتگ وھدے آ سرمچارانی دست ءَ یرگمال بیتگیں وتی راشن گاڑی ءِ رندگیری کنان ءَ کوھی دمگ ءَ پُترگ ءِ جُھد کنگ ءَ بیتگ اَنت-
جارکش ءَ گْوشتگ شوربندی ءِ رِد ءَ، دُژمن ءِ سے پرپٹاں سوار کارندہ نشانگ کتگ اَنت کہ آیانی تہ ءَ میجر سید رب نواز طارق ( جھمنند مظفرآباد، کشمیر) ءَ ھوار شش کارندہ جاہ پہ جاھی مرتگ اَنت- کمے گستا ءَ ساڑی پوجی کاروان ءِ دگہ کارندھانی سر ءَ سرمچارانی سنائپر ٹولی ءَ نشانگ کتگ اَنت، چریشی ءِ سبب ءَ دُژمنیں پوج ءَ پُشکنزگ ءَ لاچار بیتگ-
جارکش ءَ دیمتر ءَ گْوشتگ کہ زورگریں پاکستانی پوج چو مدامی ھساب ءَ رسانکدر دروگیں ٹاہ جنگ ءَ اِنت کہ میڑ ءَ سے سرمچاراں جنگ بیتگ وھدے کہ سوبمندیں کاروائی ءَ پد سرمچار پہ سلامتی وتی مُھریں اوتاکاں سر بیتگ اَنت- بیت کنت دُژمنیں پوج بیگواہ کنگ بیتگیں بلوچاں یا کہ بے میاریں شھریاں نشانگ کنگ کاروائی کتگ ئِے کہ انچش گوستانک ءَ سرمچارانی دست ءَ لٹ روگ ءِ بدل ءِ گرگ ھاتر ءَ اے وڑیں دروگیں میڑانی کوش ءِ کاروائی کنت-
درشان ءِ گُڈی ءَ گْوشتگ کہ بلوچستان لبریشن فرنٹ کلات ءُ جھاؤ ءَ زورگریں پاکستانی پوج سر ءَ بیتگیں اُرشںانی زمہ واری ءَ منّ اِیت اے اِھد کنت کہ زورگریں پوج ءِ سرجمی ءَ دراھگ ءَ تاں مئے کاروائی برجاہ بنت-