پاکستانی فوج ءِ کارندھاں مانشانی سر ءَ تیرگواری ءُ مانش کروتکگ ءُ کمشرپی کتگ انت-
بلوچستان ءِ دمگ بسیمہ ءَ گوستگیں بیگاہ ءَ سیاھوزئی ءِ میتگ ءَ پاکستانی لشکر ءَ شھید طارق کریم ءُ آئی ءِ برات شھید عاصم کریم ءِ کبرانی سر ءَ تیرگواری ءُ کبرانی شَت پروشتگ انت ءُ کبرانی کمشرپی کتگ-
دمگی مردمانی گشگ انت کہ مزنیں کساسے ءَ لشکر ءَ کبرستان ءِ کش ءُ گور انگیر کتگ ءُ پد ءَ تیرگواری ءِ توار بوتگ۔ آھاں گوشتگ کہ پورسز ءَ کبرانی شت پروشتگ انت، ھمے وڑ کبرانی سر ءَ تیر ءِ نشان ھست اَنت۔
بلوچ اسٹوڈنٹس آرگنائزیشن (آزاد) ءِ باسک طارق کریم بلوچ 21 اکتوبر 2010 ءَ پاکستانی لشکر ءَ چہ کراچی ءِ دمگ گلستان جوھر ءَ پہ زورانسری بیگواہ کتگ ءُ پد ءَ آئی ءِ ٹپ ءُ ٹوریں لاش 21 مئی 2011 ءَ شال ءِ دمگ سریاب ءَ دست کپتگ۔
آئی ءِ برات عاصم کریم بلوچ 29 اکتوبر 2011 ءَ چہ شال ء زورانسری بیگواہ کنگ بوتگ ءُ آئی ءِ لاش 31 نومبر 2011 ءَ پشین ءِ دمگ چہ خانوزئی ءَ دست کپتگ۔