دکی ءِ ھالانی رد ءَ یاروشھر پولیس تھانہ ءِ ھَد ءَ یک کَورے ءِ تہ ءَ سئے ناشناسیں مردمانی لاش دزکپتگ اَنت۔
پولیس ءِ بنشون ءِ رد ءَ اے سئیں مردم تیرگواری ءَ بیران بوتگ اَنت ءُ لاشانی نزیک ءَ یک گلے ءِ بیرکے ھم دزکپتگ-
لاش پہ اژدری ٹپاس ءَ ڈی ایچ کیو ھسپتال دکی ءَ دیم دیگ بوتگ انت بلے انتزامیہ ءَ انگت ءَ لاشانج پجار پدر نہ کتگ۔
شک انت کہ اے سئیں مردم دروگیں میڑ ءِ تہ ءَ پورسز ءِ دست ءَ کُشگ بوتگ انت بلے انگت ءَ سیکورٹی کارندھانی نیمگ ءَ ھچ وڑیں ٹاہ کنگ نہ بوتگ۔
زانگ بہ بیت کہ گْوستگیں روچاں بلوچستان ءَ انسداد ناشرکاری ڈپارٹمنٹ ( سی ٹی ڈی) ءُ اے دگہ سیکورٹی پورسز ءِ نیمگ ءَ ٹارگٹڈ آپریشن ءِ تہ ءَ بازیں مردم کشگ بیتگ انت-
پاکستانی لشکر ءِ ٹاہ انت کہ اے مردم انکاؤنٹراں بیران بوتگ انت ءُ آہاں ناشرکار لیکگ ءَ انت۔ بلے پد ءَ پٹ ءُ پول ءَ پدر بیت کہ اے مردمانی تہ ءَ بازیں مردم پیسر ءَ چہ لشکر ءِ دست ءَ گرگ بوتگ اَنت ءُ زورانسری بیگواہ کنگ بوتگ اَنت۔