بلوچ آجوئی لوٹوکیں سلاہ بندیں گل بلوچستان لبریشن پفرنٹ (بی ایل ایف ) ءَ سال 2025 ءِ اولی ششیں ماہ بزاں جنوری ءَ بگر تاں جون ءَ وتی پوجی کارانی ھال شنگ کتگ ۔
رپورٹ ءِ رِد ءَ گل ءِ سرمچاراں اے میان ءَ پاکستانی پوج ءُ پوجی جاہ ءُ کارانی سر ءَ سَے سد ءُ دو اُرش کتگ انت۔
بی ایل ایف ءِ رد ءَ اے اُرشاں 221 پاکستانی پوجی مرتگ ءُ 148 ءَ گیش زدگ بوتگ انت ۔ گل ءِ رد ءَ اے اُرشانی میان ءَ دژمن ءِ 131 ءَ گیش سلاہ دستیگ کتگ انت وھدیکہ 88 ءَ گیش پوجی ءُ پھازگی گاڑی سرجمی ءَ تباہ بوتگ انت یا بے دردی بوتگ انت ۔ ایشی ءَ ابد بازیں دگہ گاڑیاں تاوان رس اِتگ ۔
رپورٹ ءِ تہ ءَ اے ھم گوشگ بیتگ شانزدہ ءَ گیش پولیس ءُ لیویز ءِ پانگس ءُ تانھانی سر ءَ ادارکی کبزہ کتگ ءُ مزنیں کچے ءَ سلاہ دستیگ کتگ انت ، یک دگہ ٹوھیں اُرشے ءَ بی ایل ایگ ءِ سرمچاراں ایف سی ءِ پانگس ءِ سر ءَ اُرش کتگ ءُ درسیں کارمند کشتگ انت ءُ سلاہ دست گپتگ انت۔
گل ءَ اے میان ءَ وتی ھبدہ سرمچارانی نمیرانی ءِ ھال ھم راست کتگ ءُ آ دروت ندر کتگ انت ءُ گوشتگ وتی مشن ءَ برجاہ دارگ ءِ کول ءَ کن ایں ۔
زانگ بہ بیت بلوچستان ءَ سلاہ بندیں گل مدامی ماھی ءُ سالی ھالاں رسانکدر ءَ شنگ کن انت وھدیکہ اے اُرشانی ھال ھما روچ ءَ ھم شنگ کنگ بنت ۔
دومی نیمگ ءَ بلوچ لبریشن آرمی ءَ ھم وتی ششماھی کارانی رپورٹ شنگ کتگ کہ آئی ءَ گوستگیں شش ماھانی میان ءَ 284 اُرش کتگ انت ۔ بی ایل اے ءِ ھستیں وھد ءِ ارشانی تہ ءَ گیشی گندگ ءَ اتکگ کہ آئی ءِ تہ ءَ ریل ءِ ھائی جیک کنگ ءُ آئی ڈی اُرشانی تہ ءَ گیشی ءُ بازارانی کنٹرول کنگ ھوار انت ۔
گل ءِ رد ءَ اے ششیں ماھانی تہ ءَ بوتگیں اُرشاں پاکستانی پوج ءِ 668 ءَ گیش پوجی کارمند مرتگ انت وھدیکہ 58 دلار ءُ چاریگ ھم کشتگ انت ۔ اے کارانی تہ ءَ 290 دزگیر ھم بوتگ انت ۔ 121 بمب اُرش کنگ بوتگ انت 131 گاڑی تباہ کنگ بوتگ ءُ یک ریل گاڑی ءِ ھائی جیک کنگ بوتگ ۔