بلوچستان ءِ بنجاھی شھر شال ءَ بمب تراکے ءَ پاکستانی لشکر نشانگ جوڑ کنگ بوتگ۔
شال ءِ دمگ ھزارگنجی ءَ پاکستانی لشکر ءِ رئیسانی چیک پوسٹ گوستگیں شپ ءَ ناشناسیں مردماں دزبمبے چگل داتگ-
واکداراں تراک ءِ ھال راست کتگ بلے تاوان ءِ بابت ءَ ھچ وڑیں ھال ءُ اھوال نہ داتگ انت۔
زانگ بہ بیت بلوچستان ءِ بنجاھی شھر شال ءَ ھوار دگہ جاھاں ھم بلوچ آجوئی لوٹوکیں سلاہ بندیں گلانی نیمگ ءَ یکشل ءَ پاکستانی پوج نشانگ کنگ بوگ ءَ انت –
گوستگیں لھتے روچانی میان ءَ پاکستانی لشکر ءَ ھوار مڈی بروکیں گاڑیانی سر ءَ اُرش گیشی ءَ گندگ بوگ ءَ انت کہ اود ءَ سلاہ بندیں مردم مڈی بروکیں گاڑیاں سوچگ ءَ انت کہ آیانی گوشگ انت بلوچستان ءِ مڈیانی لٹ ءُ پُل کنوک بلوچ سرڈگار ءِ مڈیاں لُٹگ ءَ انت آیانی برگ ءَ ھچ رنگیں اجازت نیست انت-