پاکستان وتی آئین ءِ لگتمالی ءَ کنگ ءَ انت دانکہ بی وائی سی ءِ سروکاں بے توار کت بہ کن ایں- ڈاکٹر صبیحہ بلوچ

بلوچ یکجھتی کمیٹی ءِ بنجاھی رھشون ڈاکٹر صبیحہ بلوچ ءَ یک ویڈیو کلوھے ءَ گوشتگ گل ءِ بنجاھی سروک گیر کانونی دزگیری ءَ داشتگ انت- بندیگی ءَ سَے ماہ گوستگ بلے انگت ءَ آ یل نہ بیتگ انت-

آئی ءَ گوشتگ پاکستان ءِ آئین ءِ رد ءَ 3 ایم پی او ءِ تک ءَ دزگیری کجام ھم مردم بہ بیت نود روچ ءِ توک ءَ بورڈ ءَ آئی ءِ لیکہ پیش کنگی ءَ انت-

آئی ءَ گوشتگ ات بورڈ ءَ آئی ءِ زاتی لیکہ بیت انت ءُ پیسلہ کنگ بیت انت کہ گیش بندیگ کنگ کانونی انت یا ناں بلے مئے سروکاں اے بنکی کانونی ھک نیست انت آیاں انگت ءَ ھم نوآبادیاتی وھد ءِ سیاھیں کانون ءِ وڑیں 3 ایم پی او ءِ تک ءَ بندیگی ءَ داشتگ انت-

آئی ءَ گوشتگ انسانی ھکانی پھریزکار، وکیل، استاد ءُ نودربراں گوں دزبندی انت کہ آ توار چِست بہ کن انت ءُ بلوچ یکجھتی کمیٹی ءِ سروکاں سرجمی ءَ یل کنگ ءِ لوٹ ءَ بہ کن انت-