بلوچ لبریشن آرمی ءِ ”جند ندری“ یونٹ مجید بریگیڈ ءِ نیمگ ءَ مروچی یک کلوھے شنگ کنگ بوتگ ، اے کلوہ سمیعہ کلندرانی ءِ نمیرانی ءِ سالروچ ءَ شنگ کنگ بوتگ کہ سال 2023 ءِ ھمے روچ ءَ سمیعہ ءَ ماں تربت ءَ پاکستان ءِ چیریں ادارہ آئی ایس آئی ءِ اپسرانی کاروانے ءِ سر ءَ تراکے کتگ ۔
تامر ءِ بندات ءَ سمیعہ بلوچ ءِ پیسری کلوہ ءُ اکس پیش دارگ بوتگ انت ءُ دومی بھر ءَ بی ایل اے مجید بریگیڈ ءِ زالبولیں پدائی ءِ وتی کلوہ ءَ دیگ ءَ انت ۔
تامر ءِ تہ ءَ جند ندر ھمے گشگ ءَ اشکنگ بیت کہ ” لھتے ھون زمین ءِ سر ءَ رچ انت ، زمین ءَ ڈولدار کن انت آیانی بس نشان ایر نہ بنت بلکیں بیرک ءِ جوڑ کن انت ۔ سمیعہ بلوچ ءِ ھون ھم یک بیرکے ، کہ نوں وھدے دیم ءَ چلنڈگ ءَ ایں ۔ آ بس یک مردمے ءِ نہ انت ، یک سرجمیں کرنے ءِ چیدگ انت ۔ آ ھما ماتانی زھگ ات کہ آیاں دپتر ءِ چماں چم پیشداروکیں کِرد پیداک کتگ ۔ سمیعہ ءَ ھما جست ات کہ ھچبر دژمن ءِ پسوانی تہ ءَ نہ انت ، آ توار ات کہ آئی ءِ توار چہ توپک ءِ توار ءَ گیشتر ات ۔ سمیعہ ءِ نمیرانی اے ھاک ءِ ھما بھر ات کہ دژمن ءَ سوتک نہ کت بلکیں آئی ءَ ھاکم ءِ بادشاھی شک شک کُت ۔
زالبولیں جند ندر دیمتر ءَ گوش ایت کہ ما یک ھنچیں دودمانے ءِ وارس ایں کہ اود ءَ زالبول بس یک نامے ءِ نہ انت بلکیں یک ھستی یے کہ گریویت دوایے بیت کوکار کنت گڑا کزایے جوڑ بوت ۔ وھدیکہ مئے دژمن ءَ ھمے مار اتگ کہ زالبول بس یک تماشائی ءِ گڑا سمیعہ ءَ وتی ءَ نمیرانی ءَ چہ اے پدر کتگ کہ جنگ ءِ سینگ ھما انت ، ھما اوپار ءِ زھم انت ۔ مروچی مئے پجار سر ءَ ، مئے زبان ءِ سر ءَ ، مئے جیڑگانی سر ءَ ءُ مئے جانانی سر ءَ کبزہ کنوکیں دژمن ھما انت کہ مئے زالبولاں نزور پھم ایت ءُ ھمے سرپد بیت کہ آ سوبمند بیت ۔ بلے بلوچ زالبول ءَ آئی ءَ را ھمے درونت داتگ کہ اے سرڈگار ءِ سرا ھر یک زھگے سمیعہ ءَ انت، ھر مات شاری انت ، ھر یک گھارے ماھل انت ۔
مجید بریگیڈ ءِ جند ندر دیمتر ءَ گوش ایت کہ اے جنگ نوں تھنا کوھانی تہ ءَ نہ انت اے نوں مئے تہ ءَ ، مئے چم ، دل ءُ توار ءِ تہ ءَ انت ۔ اے ھما جنگ انت کہ نوں ھر یک جنکے ءِ پہ وتی ماتانی ارسانی پھک کنگ ءَ ناں بلکیں گوستانک ءِ راھے مٹ کنگ ءَ اوشتگ ءَ انت ۔ دژمن ءَ نوں مارا زانگی انت کہ ما نوں بس ایرموش کنوکیں راج ءِ نہ ایں، ما بینر چست کنوکیں پدریچ ایں کہ آیانی بیرکانی سر ءَ گوں زالبولانی ھوناں نبشتگ کہ آجوئی بس مردینانی دپ ءِ نارہ نہ ایں، زالبولانی آستینک ءِ آس ایں ھم۔
آ دیمتر ءَ گوش ایت کہ ھر یک راجے وتی جنکانی مانشاں گوں بیرک ءَ ماپوش ایت آ ھچبر پروش نہ وارت ۔ سمیعہ ءِ توار مارا توار پرجنگ ءَ ایں کہ اگاں شما زندگ ءِ گڑا بس ساہ مہ کش ات ھما آجوئی ءِ ساہ ءَ بہ کش ات کہ دژمن ءِ تیرانی دارگ ءَ بہ زانت ، ھر ھما ساھت ءَ کہ ما ھاموش بہ ایں گڑا دژمن سوبمندی ایں ۔ ھر ھما ساھت ءَ ما سمیعہ ءَ بس اکسانی تہ ءَ یات کن ایں ، جھد ءِ کوش یے بلے وھدیکہ ما آئی ءِ واب ءَ وتی راہ جوڑ بہ کن ایں وھدیکہ ما آئی ءِ توار ءَ وتی دل ءِ دریکگ جوڑ بہ کن ایں گڑا ھچ وڈیں تاکت اے راج ءَ گلام داشت نہ کنت ۔
مجید برگیڈ ءِ جند ندر دیمتر ءَ گوش ایت کہ اے وھد پرس دارگ ءِ نہ ایں بلکیں کول بہ کن ایں کول بہ کن ایں کہ ما وتی جنکاں گوستانک ءِ چیرداتگیں تاک جوڑ مہ کن ایں بلکیں آیاں بنگپ جوڑ بکن ایں ۔ کول بہ کن انت کہ ما دژمن ءَ ھمائی ءِ زبان ءَ پسو دے ایں بلے آ لھجہ بس ایردستی ءِ مہ بیت گھگیری بست کنگ ءِ پجار بہ بیت ۔ کول بہ کن انت کہ ما اے جنگ ءَ بس بیرگرگ ناں یک آشوب ءِ جوڈ کن ایں ۔ کول بہ کن یے کہ سمیعہ ءِ ھون زیا نہ بنت بلکیں آ ھر یک جنک ءِ گامانی راہ ، ھر مات ءِ چمانی واب ، ھر بلوچ ءِ رگ ءَ کرارے جوڑبہ بیت ۔