بلوچستان ءِ دمگ سبی ءَ پاکستانی لشکر لشکر کشی کنگ ءَ انت-
سبی ءِ دمگ سانگان ءُ کش ءُ گوری جاہ آپریشن ءِ زد ءَ انت کہ اود ءَ پاکستانی لشکر ٹوھیں کچے ءَ سُر ءُ پراں گندگ بوتگ-
انتزامیہ ءَ اے درگت ءَ انگت ءَ ھچ وڑیں ھال ءُ اھوال نہ داتگ۔
بلوچستان ءِ جتاجتائیں جاھاں پوجی آپریشن برجاہ انت بلے گیشتر واکدار چوشیں اھوالاں دیم ءَ نیار انت-
گوستگیں لھتے روچاں کلات ءِ جتا جتائیں جاہ منگچر، موڑگند ، کوھک ءَ پاکستانی لشکر ءَ ترندیں اُرشانی دیمپانی کنگ کپتگ کہ اود ءَ لشکر کشی ءِ نیمون ءَ دیم ءَ جنزگ ءَ بوتگ-
بلوچ لبریشن آرمی ءَ اے دمگاں پورسز ءِ سر ءَ ھشت آئی ای ڈی اُرشاں ھوار سلاہ بندیں اُرش کتگ انت۔ اے وھد ءَ سرمچار ءُ پورسز ءِ میان ءَ جنگ ءُ چوپ ھم بوتگ انت-