شھدگانی ناکہ بندی ءُ پوج ءِ سر ءَ گیشیں اُرشانی زمہ واریاں منّ ایں- بی ایل اے

بلوچ لبریشن آرمی ءِ جارکش جیئند بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں بولان ءُ جعفر آباد ءَ دو جتاجتائیں کاروائیاں شھدگانی سر ءَ بازیں کلاکاں ناکہ بندی کتگ ءُ زورگریں پوج اُرش ءِ نشانگ کتگ-

جارکش ءَ گوشتگ بی ایل اے ءِ سرمچاراں گوستگیں روچ ءَ بیگاہ ءِ شش ءِ وھد ءَ بولان ءِ دمگ مارگٹ ءَ شھدگ سر ءَ ناکہ بندی کتگ کہ دو کلاکاں چہ گیش برجاہ بیتگ- سرمچاراں اے میان ءَ گاڑیانی پٹ ءُ پول ءُ یک شکی ئیں مردمے دزگیر کتگ ءَ پد ءَ یل داتگ-

جارکش ءَ گْوشتگ زورگریں پاکستانی پوج ءَ سرمچاراں چاریگی واستا یک کواڈ کوپٹر کارمرز کتگ چریشی ءَ سرمچاراں نشانگ کتگ ءُ تباہ کتگ بلے بے دلیں زورگریں پوج وتی بُنجل ءِ تہ ءَ ڈن در نیتکگ –

جارکش ءَ گْوشتگ بلوچ لبریشن آرمی ءِ سرمچاراں دگہ یک کاروائی یے گوستگیں شپ ءِ دہ ءِ نزیک ءَ جعفرآباد ءَ قیدی شاخ شفیع آباد ھند ءَ پولیس چوکی یک دستی بمب اُرشے ءَ نشانگ کتگ چریشی ءِ آسر ءَ آیاں جانی ءُ مالی تاوان چست کنگ کپتگ-

جارکش ءَ گْوشتگ بلوچ لبریشن آرمی اے کاروائیانی زمہ واری ءَ منّ اِیت-