مشکے، کولواہ، پروم ءُ گومازی اُرشانی زمہ واری بی ایل ایف ءَ منّ اِتگ اَنت

بلوچستان لبریشن فرنٹ ءِ جارکش میجر گْوھرام بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ مشکے ءِ دمگ کھندڑی ءَ مروچی سُھب ھشت نیم ءَ بند ساچی شرکت ءِ یک ٹرکے بی ایل ایف ءِ سرمچاراں ھما وھد ءَ آئی ای ڈی بمب اُرش ءِ نشانگ کتگ وھدے آ سیکورٹی کاروان زورگریں پوج ءِ بُنجل ءَ چہ درتکگ- اُرش ءِ آسر ءَ ٹرک ءَ تُرندیں تاوان رس اِتگ ءُ آ جانی تاوان چست کنگ کپتگ-

جارکش ءَ گْوشتگ کہ دگ جوڑ کنوکیں شرکت کارندہ زورگریں پوجی بُنجل ءَ ساڑی اَنت ءُ آ سیکیورٹی ھم پوج نیمگ ءَ دیگ بیگ ءَ اِنت- مروچی اُرش ءِ وھد ھم پوجی کاروان سیکیورٹی سر ءَ اوشتوک بیتگ، بلے سرمچاراں جوڑ کنوکیں شرکت ءِ واھنند ءِ سرپد کنگ واستا اُرش ءَ آیانی ٹرک نشانگ کتگ-

جارکش ءَ گْوشتگ کہ دگہ یک کاروائی یے بی ایل ایف ءِ سرمچاراں مروچی سُھب نُھ ءَ تمپ ءِ دمگ گومازی ءَ زورگریں پوج ءِ چوکی ءِ کارندھانی واستا راشن بروکیں یک گاڑی یے دستیگ کتگ وتی ھمراھی ءَ برتگ-

جارکش ءَ مروچیگیں روچ ءَ کولواہ بدرنگ ءَ سرمچاراں بیگاہ چار نیم نزیک ءَ پاکستانی پوج ءِ بُنجل اُرش ءِ نشانگ کتگ چریشی ءِ آسر ءَ زورگریں پوج ءَ جانی ءُ مالی داتگ-

جارکش ءَ گْوشتگ شش مئی دوھزار بیست پنچ بیگاہ چار نزیک ءَ پروم ءِ دمگ جائین ءَ بی ایل ایف ءِ سرمچاراں پاکستانی پوج ءِ بُنجل ءِ جوڑ کنگ واستا سامان بروکیں ٹرک گاڑی داشتگ پٹ ءُ پول کنگ ءَ پد پوجی سامان ءَ ھوار گاڑی تاوان داتگ-

درشان ءِ تہ ءَ جارکش ءَ گْوشتگ کہ زانگ بہ بیت اشی ءَ ساری ھم ما رسانکدر ءَ چہ ٹرانسپورٹر ءُ بند ساچی شرکت کڈن کتگ اَنت ءُ مروچی ھم کڈن کنگ ءَ ایں کہ زورگریں پاکستانی پوج ءِ واستا کمکاری کنوکیں سرجمیں شوربندیاں کار مہ کن اِت اگاں ناں آیانی گاڑی ءُ مشینری ءَ تاوان دیگ بنت-

جارکش ءَ گُڈی ءَ گْوشتگ بلوچستان لبریشن فرنٹ مشکے، کولواہ ، پروم ءُ گومازی ءَ پاکستانی پوج ءِ بُنجلانی واستا سامان ءُ راشن بروکیں گاڑیاں ھوار بند ساچی شرکت ءِ گاڑی ءِ تاوان دیگ زمہ واری ءَ منّ ایں ءُ سرجمیں گاڑیانی واھننداں کڈن کن ایں کہ آ دُژمنیں پوج ءِ کمکاری ءَ یل بہ کن اَنت ، اگاں ناں آ وتی جانی مالی تاوان زمہ وار وت بنت-