ناشناسیں مردماں پاکستانی پوج ءِ کارندھانی سر ءَ بمب اُرشے بیتگ-
چہ مستونگ ءَ ھالانی رِد ءَ ناشناسیں سلاہ بندیں مردماں مستونگ سی ایم ایم کراس ءِ نزیک ءَ برجاھیں پاکستانی پوج ءِ ناکہ ءِ سر ءَ ساڑی ئیں پاکستانی کارندھانی سر ءَ دستی بمبے چگل داتگ ءُ تتکگ اَنت-
بمب اُرش ءَ کارندھاں جانی تاوان ھال اِنت، اود ءَ وئیل ءَ پد پوج ءَ دمگ انگیر ءَ کتگ تُرندیں پٹ ءُ پول بندات کتگ-
زانگ بہ بیت کہ مستونگ شھر ءُ کش ءُ گوراں پاکستانی پوج ءِ سر ءَ اُرش بیگ ءُ آیگ ءَ اَنت کہ آیانی زمہ واری بلوچستان ءَ پُرکار سلاہ بندیں آجوئی لوٹوکیں سلاہ بندیں گلاں زرتگ اَنت- بلے اے تراک ءِ زمہ واری انگت ءَ ھچ گل ءَ نہ زرتگ-