گوادر ءُ زامران ءَ پولیس چوکی، موباھل ٹاور ءُ پوج ءِ سر ءَ بیتگیں اُرشانی زمہ واری بی ایل ایف ءَ منّ اِتگ اَنت

بلوچستان لبریشن فرنٹ ءِ جارکش ءَ گْوشتگ کہ پنچ مئی ءِ بیگاہ ءِ شش ءُ سی ملٹ ءَ بلوچستان لبریشن فرنٹ ءِ سرمچاراں گوادر ءِ دمگ تلار ءَ برجاھیِں یک پولیس چوکی سر ءَ اُرش کتگ آ مانداشتگ، ءُ پولیس کارمندانی سلاہ ءُ دگہ سامان دستیگ کتگ ءُ وتی ھمراھی ءَ برتگ اَنت-

جارکش ءَ گْوشتگ کہ اے چوکی گاڑیاں زر گرگ واستا جوڑ کنگ بیتگ کہ اود ءَ تیل کار ءُ بار کنوکیں دمگی مردمانی گاڑیاں چہ ھمکروچ مزنیں کچے ءَ زر گرگ بیتگ- راج ءِ شکایت کنگ ءَ چہ پد اے پولیس چوکی سر ءَ اُرش کتگ آ مانداشتگ، وھدے کہ پولیس کارمند بلوچ بیگ ھاتر ءَ ھچ وڑیں جانی تاوان نداتگ اَنت بلے اھاں آ کڈن کتگ ءُ یل داتگ اَنت-

جارکش ءَ گْوشتگ سرمچاراں اے میان سرجمیں دمگی گاڑی پہ سلامتی روان داتگ اَنت-

جارکش ءَ گْوشتگ ھمے شپ ءَ سرمچارانی دگہ یک ٹولی ءَ ریکانی کراس ءِ ھند سر ءَ چاریگی واستا مِکّ کتگیں زونگ ٹاور ءِ مشینری مانداشتگ ءُ تباہ کتگ اَنت-

جارکش ءَ گْوشتگ اے کاروائیاں پد سرمچار وتی اوتاکانی نیمگ ءَ روگ ءَ بیتگ اَنت کہ کلک ءِ ھند سر ءَ آیانی دیم پہ دیم گوں زورگریں پوج ءَ بیتگ چریشی ءَ پد میڑ برجاہ بیتگ چریشی ءِ آسر ءَ زورگریں پوج ءَ جانی ءُ مالی تاوان چست کنگ کپتگ-

جارکش ءَ گْوشتگ کہ شش مئی ءِ نیمروچ ساھت دو ءَ بی ایل ایف سرمچاراں کیچ ءِ دمگ زامران ءَ کوتان ھند سر ءَ برجاھیں زورگریں پاکستانی پوج ءِ یک چوکی یے سر ءَ اُرش کتگ – اُرش ءَ سرمچاراں اسنائپر ءَ چہ نشانگ کتگ ءُ یک کارندھے کشتگ-

جارکش ءَ گْوشتگ بلوچستان لبریشن دُژمن ءِ ھلاپ ءَ اے اُرشانی زمہ واری ءَ منّ اِیت ءُ بلوچستان ءِ وتواجھی ءَ تاں وتی اُرشاں برجاہ دارگ ءِ اِھد ءَ کنت-