تربت ءِ دمگ چہ ڈنُک ءَ سیادی داروکیں پبلک ہیلتھ ڈیپارٹمنٹ ءِ کاردار عبدالطیف ء محمد عیسیٰ گوستگیں شپ ءَ پاکستانی پوج ءَ آئی ءِ لوگ ءَ چہ آوار جنگ ءَ پد ناشناسیں جاھے ءَ برتگ، چریشی ءَ پد آ بیگواہ ءَ اِنت-
کھول رِد ءَ، وئیل شپ ءَ دیم ءَ اَتکگ وھدے پاکستانی پوج عبدالطیف ءِ لوگ سر ءَ بیڑبرتگ ءُ آ زورانسری وتی ھمراھی ءَ برتگ-
زانگ بہ بیت کہ بلوچستان ءِ جتاجتائیں دمگاں چہ زورانسری آوار جنی ءِ وئیلانی تہ ءَ گیشی گندگ آیگ ءَ اِنت-