سی ٹی ڈی ءِ آفیسر ءِ کوش ءُ ڈیتھ اسکواڈ ءِ کارندہ ءِ سر ءَ اُرش ءِ زمہ واری ءَ من ایں – بلوچ لبریشن آرمی

بلوچ لبریشن آرمی ءِ جارکش جیئند بلوچ ءَ شنگ کتگیں درشان ءَ گوشتگ سرمچاراں شال ءُ پنجگور ءَ جتا جتائیں کاروائیاں سی ٹی ڈی ءُ ڈیتھ اسکواڈ ءِ کارندہ نشانگ کتگ انت-

آئی ءَ گوشتگ مروچی بیگاہ ءَ شال ءِ دمگ جنگل باگ ءَ بلوچ لبریشن آرمی ءِ سرمچاراں زورگریں پاکستانی پوج ءِ وتگڑیں کاؤنٹر ٹیررازم ڈیپارٹمنٹ ( سی ٹی ڈی) ءَ بندوکیں آفسر امجد ابابکی جھمنند کلی سردہ سریاب شال سلاہ بندیں اُرشے ءَ کشتگ-

آئی ءَ گوشتگ امجد ابابکی گوست ءَ سیٹلائیٹ ٹاؤن سریاب ءُ شالکوٹ تھانھاں کار ءَ بیتگ- اے آلہ کار بلوچ ورنایانی زورانسری آوارجنی، آیانی سر ءَ لٹ شاپی کنگ، لوگانی سر ءَ بیڑانی وھد ءَ زالبول ءُ کماشاں کمشرپ کنگ ءُ دروگیں میڑاں تچک ءَ ھوار بیتگ-

آئی ءَ گوشتگ اے کارندہ ءَ کم اُمریں ورنا بلیک میل کتگ ءُ آیانی ازت پادمال کتگ ءُ آ ریاست ءِ واستا چاریگری ءَ کارمرد کتگ انت- زورگرین پوج ءُ چیریں ادارھانی نیمگ ءَ آئی ءَ را بھتہ واری ءِ گرگ ءَ مھار گٹ ءَ بیتگ انت-

آئی ءَ گوشتگ سی ٹی ڈی ءِ اے کارندہ منیر اھمد روڈ ،شال ءَ یک بنجلے جوڑ کتگ کہ اود ءَ آئی ءَ ورنا گپتگ ءَ لٹ شاپ کتگ انت – بلوچ لبریشن آرمی ءِ سرمچاراں بلوچ نسل کشی ءِ پرکاری ءَ ھواریں آلہ کار کشتگ ءُ گڈی آسری ءَ سر کتگ-

جیئند بلوچ ءَ گوشتگ ھمے ڈول ءَ یک مئی ءِ شپ ءَ پنجگور ءِ دمگ ھدابادان ءَ بی ایل اے ءِ سرمچاراں زورگریں پاکستانی پوج ءُ چیریں ادارھانی جوڑ کرتگیں وتگڑیں ڈیتھ اسکواڈ ءِ سروک فرحان ءِ بنجل نشانگ کتگ-

آئی ءَ گوشتگ اے اُرش ءَ بنجل ءِ دروازگ ءَ جاڑیگیں ڈیتھ اسکواڈ ءِ یک کارندھے جاہ پہ جاہ ءَ مرتگ ءُ آئی ءِ پھریزی سنگرانی سر ءَ گرنیڈ لانچر اُرش کتگ-

جارکش ءَ گوشتگ بلوچ لبریشن آرمی اے دوئیں اُرشانی زمہ واریاں من ایت ءُ ما اے کول ءَ کن ایں زورگریں پاکستانی پوج ءُ آئی ءِ شریدارانی نیمگ ءَ بلوچ مھلوک ءِ سر ءَ بیوکیں زُلمانی ھساب ھرچ ڈول ءَ گرگ بیت اِنت-