بلوچستان ءِ دمگ کلات ءِ تھسیل منگچر ءَ گوستگیں روچ ءَ چہ جاور ناگیگ اَنت- دمگ ءَ بُرزی چار ءُ گُزار گُزاری تُرند کنگ بیتگ-
دمگی مردمانی گوشگ اِنت کہ گوستگیں شپ ءَ چی ھیلی کاپٹرانی ءُ ڈرون بالگردانی گشت ءِ تہ ءَ گیشی گندگ بیتگ- شھریانی رِد ءَ اے بُرز بال ناں تھنا چار ءُ گُزاری بلکیں گمانی پوجی کاروائیانی چن ءُ لانچ ءِ ھم اشارہ دیگ ءَ اِنت-
زانگ بہ بیت کہ گوستگیں بیگاہ ءَ سلاہ بندیں مردماں منگچر بازار ءَ پُترتگ اَنت، نادرا، جوڈیشل کمپلیکس ءُ نیشنل بینک آف پاکستان کارگس ءَ ھوار بازیں سرکاری ماڑیانی سر دستیگ کتگ ءُ مانداشتگ اَنت-
سلاہ بندیں مردماں دستیگ شپ ءَ تاں دیراں برجاہ داشتگ- آیاں مساپر بس ءُ پرائیوٹ گاڑیاں ھوار بازیں گاڑیانی پٹ ءُ پول برجاہ ءَ اِنت، چریشی ءَ راہ ھرچ وڑیں روگ ءُ آیگ واستا بند کتگ-
انتزامیہ ءَ مروچی سرجمیں شھر سرجمی ءَ کرفیو جتگ- مھلوک لوگانی تہ ءَ نندانک کڈن کتگ اَنت-