بلوچستان ءِ دمگ پنجگور ءَ پاکستانی لشکر ءِ دست ءَ بیگواہ بوتگیں مردمے ءِ لاش جنگل ءَ دزکپتگ ۔
بیران بوتگیں مردم ءِ پجار پنجگور ءِ سریکوران ءِ نندوکیں حسن جان ء یار مھمد ءِ نام ءَ زانگ بیتگ۔
اھوالانی رد ءَ لیویز ءِ کارمند حسن جان 29 اپریل ءَ پنجگور ءِ چتکان بازار ءِ دمگ ءَ پاکستانی لشکر ءَ دزگیر کتگ ءُ پد ءَ آ بیگواہ بوتگ۔ آئی ءِ لاش پد ءَ جنگل ءَ دزکپتگ۔
بلوچستان ءِ تہ ءَ گیر کانونی کوش ءِ اولی وئیل نہ اِنت۔ گوستگیں وھداں ھم ھزاراں مردم بندیگ جاہ ءَ بیگواہ بوھگ ءَ پد کشگ بیتگ انت۔ بلوچ راجدوستیں پارٹی ءُ انسانی ھکانی باسک گوستگیں دو دھکاں چہ اے وئیلانی ھلاپ ءَ زھرشانی کنگ ءَ اَنت۔