بلوچستان ءِ دمگ کیچ ءَ ھوشاپ ءُ تربت ءِ میانی دمگ ءَ سلاہ بندیں مردمانی نیمگ ءَ ناکہ بندی کنگ بیتگ-
دمگی اھوالانی رد ءَ مروچی درزنانء کچ ءَ سلاہ بندین مردماں شھدگ ءِ سر ءَ ناکہ بندی کتگ ءُ گاڑیانی پٹ ءُ پول کتگ، ءُ کاروائی کنان ءَ ھوشاپ ءِ لیویز تھانہ ءَ پترتگ انت-
دمگی مردمانی رد ءَ اود ءَ سلاہ بندیں مردماں ھوشاپ لیویز ءِ تھانہ دستیگ کتگ ءُ اود ءَ سرکاری سلاہ پچ گپتگ انت-
دومی نیمگ ءَ بیلہ ءِ کوچگی دمگ شیشہ ھوٹل ءِ نزیک ءَ سیکورٹی ءِ سبب ءَ دگ بند کنگ بیتگ-
واکداراں مھلوک ءَ را گوشتگ انیگیں جاورھالانی پیش آیگ ءَ جوانتریں رھاں کارمرد بہ کن ات ءُ سرکاری جارانک ءَ دلگوش بہ کن ات-
زانگ بہ بیت بلوچستان ءَ لھتے وھداں اے دابیں کاروائی گیش گندگ بوگ ءَ انت اے دابیں اُرشانی زمہ واری بلوچ آجوئی دوستگیں گلاں من اتگ انت بلے داں انگت ءَ اے اُرش ءِ زمہ واری کس ءَ پہ وت ءَ نہ زرتگ-