مند : پولیس تھانہ ءِ سر ءَ سلاہ بندیں مردماں اُرش کتگ ءُ سلاہ دگہ سامان دستیگ کتگ اَنت

کیچ ءِ دمگ مند ءَ ناشناسیں سلاہ بندیں مردماں پولیس تھانہ ءِ سر ءَ اُرش کتگ سرجمیں سلاہ ءُ دگہ سامان وتی ھمراھی ءَ برتگ اَنت-

سلاہ بندیں مردماں گوستگیں شپ ءَ ھشت ءُ نیم ءَ مند گریڈ بازار ءِ ھند ءَ برجاھیں پولیس تھانہ ءِ سر ءَ اُرش کتگ ءُ اود ءَ سرجمیں جنگی سلاہ ءُ دگہ سامان وتی دستیگ کتگ ءُ برتگ اَنت-

بلے پولیس کارندھاں جانی تاوان دیگ ءَ بید کڈن کنگ ءَ پد یل داتگ اَنت-

بلوچستان ءَ پوج، پولیس ءُ لیویز سر ءَ اے وڑیں اُرشانی درچ یکشل ءَ برجاہ ءَ اِنت، آیانی زمہ داریاں گیشتر بلوچ سلاہ بندیں آجوئی لوٹوکیں گلاں زرتگ اَنت بلے اے اُرش زمہ واری انگت ھچ گل ءَ نہ زرتگ-