بلوچستان ءَ زورانسری آوار جنی ءِ درچ یکشل ءَ برجاہ ءَ اِنت، دگہ دو مردم زورانسری آوار جنی ءِ کیس نکش کنگ بیتگ اَنت-
گیشیں ھالانی رِد ءَ سیزدہ اپریل ءَ شال ءِ دمگ چہ ڈگاری ءَ دو ورنا نصیر ساتکزئی ء قیصر خان ءُ اکرام ساتکزئی ء نور خان پاکستانی پوج ءَ آوار جتگ ءُ بیگواہ کتگ- کھول ءَ آیانی پہ سلامتی یل کنائینگ لوٹ کتگ-
زانگ بہ بیت کہ مروچی تربت، پسنی ءُ شال ءَ سے مردم پاکستانی پوج آوار جنگ ءَ پد بیگواہ کتگ اَنت- بلوچستان ءَ ھمکروچی ھساب ءَ زورانسری آوار جنی ءِ کیس نکش بیگ ءَ اَنت-