بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ شال ءَ پولیس ءِ سے کارندھانی کوش ءُ ھاران ءُ وڈھ ءَ مڈی بروکیں گاڑیانی سر ءَ اُرش کتگ-
بی ایل ایف ءِ جارکش ءَ رسانکدر ءَ وتی شنگ کرتگیں درشانے ءِ تہ ءَ گوشتگ کہ نُھ اپریل ءَ شپ ءِ اَدار دہ ءُ چل ءَ چیریں ھالانی بنیاد ءَ بی ایل ایف ءِ کربان یونٹ ءِ سرمچاراں کاروائی کرتگ ءُ پولیس ءِ گاڑی ءِ سر ءَ اُرش کرتگ کہ چریشی ءِ آسر ءَ پولیس ءِ سب انسپکٹتلر عبدالولی تنولی ءَ ھوار سے کارندہ جاہ پہ جاھی مرتگ اَنت ، وھدے کہ دو سک ٹپی بیتگ اَنت۔
جارکش ءَ گوشتگ کہ سرمچاراں مرتگیں دو پولیس کارندھانی سلاہ ھم برتگ اَنت۔
جارکش ءَ گوشتگ کہ شال ءِ پولیس گوستگیں روچاں بلوچ جنین ءُ زھگانی آوار جنی ءِ پیمیں دزگیری ، لَٹ ءُ کُٹ بلوچ پسّگانی کوش ءَ ھوار بیتگ اَنت۔
آئی ءَ گوشتگ کہ بی ایل ایف مرچی رسانکدر ءَ چہ جار جنت کہ پولیس ءِ تہ ءَ ھستیں بلوچ ءِ ھلاپ ءَ کار ءَ اَنت گوں آیاں زورگریں پاکستانی پوج ءِ پیم ءَ پیش بہ ایں ءُ چیریں ھالانی بنیاد ءَ آیانی ھلاپ ءَ اُرشانی دْرچ گوں ترندی ءَ برجاہ بنت۔
جارکش ءَ گوشتگ کہ ما بلوچ راج ءِ سر ءَ بیوکیں زوراکی ءُ کوش ءِ بیر ءَ آجوئی ءِ دروشم ءَ گر اِیں ءُ دژمن ءَ ھمک جنگ ءَ مھکمیں پسّو دے اِیں ۔ مئے گڈی مول بلوچ ءِ راجی آجوئی اِنت ءُ اِے جنگ داں بلوچ راج ءِ آجوئی ءَ برجاہ بیت۔
میجر گْوھرام بلوچ ءَ اُرش ءِ زمہ واری من اِتگ ءُ گوشتگ کہ داں بلوچستان ءِ آجوئی ءَ زورگریں لشکر ، لشکری شوربندی ءُ دژمن ءِ چاریگاں نشانگ کن اِیں۔
جارکش ءَ وتی دگہ یک شنگ کتگیں درشانے ءِ تہ ءَ گوشتگ کہ ده اپریل ءَ بیگاه ءِ سے ءِ نزیک ءَ ھاران ءِ شھر ءَ کراچی اسٹاپ ءَ پہ ریکوڈک شوربندی ءَ مشین بروکیں ٹرالرانی سر ءَ گوں دستی بمب ءُ آ دگہ وتکاریں سلاھاں اُرش کرتگ ، چریشی ءِ آسر ءَ گاڑیاں سک تاوان رس اِتگ۔
آئی ءَ گوشتگ کہ اے اُرش ءَ دو ھندی مردم ٹپی بیتگ اَنت کہ ما چہ ایشی ءَ سک بژنیگ اِیں. ما رسانکدر ءَ چہ ءَ گوں ھندی بلوچ مھلوک ءَ دزبندی کن اِیں کہ وت ءَ چہ دژمنیں پوج ءُ گوں لٹ ءُ پلی شوربندیاں بندوکیں مشین یا گاڑیاں دور بہ دار اَنت دانکہ بیؤکیں اُرشانی میان ءَ پھریز بہ بنت۔
جارکش ءَ گوشتگ کہ مرچی سھب ءَ دگہ یک کاروائی ءَ سرمچاراں ھزدار ءِ ھند وڈھ ، دراکالہ ءَ مڈی بروکیں دو گاڑیانی ٹائر تراکینتگ اَنت، کمیں تاوان داتگ ءُ ڈائیور بلوچ ءُ مردمگری ءِ بنیاد ءَ پہ سلامتی یل کرتگ اَنت۔
جارکش ءَ دوئیں اُرشانی زمہ واری من اتگ ءُ گوشتگ کہ ما تچک ءَ گوشگ اِیں کہ دژمنیں پوج ءُ لٹ ءُ پلی شرکتانی سر ءَ بلوچ سرڈگار ءِ مڈیانی لٹ ءُ پل کنگ ءِ بگیری ءَ کاروائی داں بلوچستان ءِ آجوئی ءَ برجاه بنت۔