بلوچستان ءِ دمگ وڈھ ءَ ھمے سال ءَ ھپت اپریل ءَ زھرشانی سر ءَ پاکستانی پوج ءِ تیرگواری ءَ چہ ٹپی بیتگیں مردم ءَ ٹپّانی درد نہ سگ اِتگ ءُ بیران بیتگ-
گیشیں ھالانی رِد ءَ وڈھ ءَ ھپت اپریل ءَ زھرشانی سر ءَ تیرگواری ءَ ٹپی ئیں عنایت اللہ ء مجید لھڑی ءَ ٹپیانی درد نہ سگ اِتگ ءُ بیران بیتگ-
زانگ بہ بیت کہ ھُزدار ءِ دمگ وڈھ ءَ ھپت اپریل ءَ بلوچ یکجھتی کمیٹی راھشونانی ءُ کارکناں ھلاپ کریک ڈاؤن ءُ آیانی دزگیری ءِ ھلاپ ءَ زھرشانی روانک کشگ بیتگ- روانک میان ءَ پاکستانی پوج ءَ زھرشانی کنوکانی سر ءَ تچکی ءَ تیرگواری کتگ، چریشی ءِ آسر ءَ بازیں مردمے ٹپی بیتگ اَت-