بلوچستان ءِ سرکار ءِ جارکش شاھد رند ءَ سردار اختر مینگل ءِ برجاھیں دھرنا ءُ لکپاس ءَ شال ءِ نیمگ ءَ لانگ مارچ کنگ ءِ درگت ءَ درشان دیان ءَ گوشتگ گوستگین روچ ءَ بی این پی ءِ دھرنا ءَ بی وائی سی ءِ رھشون ڈاکٹر صبیحہ بلوچ ءِ درشان ءِ سر ءَ دردناک اِنت-
شاھد رند ءَ گوشتگ بی این پی الیکشن کمیشن ءِ رجسٹرڈ پاٹی ءِ درھرنا ءَ اے دابیں درشان دردیگ انت ھمے وڑ ءَ اختر مینگل ءِ نیمگ ءَ اُستانی سرکار ءُ سرفراز بگٹی ءِ بارو ءَ درشان ءِ پسو ءَ اُستانی سرکار واک ءَ دار ایت-
اُستانی سرکار ءِ جارکش شاھد رند ءَ گوشتگ اختر مینگل ءَ استان ءِ سرکار ءَ آفر کتگ آ شاھوانی اسٹیڈیم ءَ جلسہ کت کنت اِنت بلے آئی ءَ اے آفر ٹکر جتگ ءُ وتی سَے لوٹانی سر ءَ اوشتاتگ استانی سرکار ایشی ءَ تچک کنت اِنت کہ شال ءَ یک سد ءُ چل ءُ چار جتگ ءُ اگاں شال ءِ نیمگ ءَ آئی ءَ لانگ مارچ کنگ ءِ جھد کت گڑا سرکار گامگیج زیر ایت-
دومی نیمگ ءَ بلوچستان نیشنل پاٹی ءَ شال ءِ لانگ مارچ ءِ جار جتگ کہ آئی ءَ بلوچ یکجھتی کمیٹی ءِ پلامرزی گون انت-