بلوچ یکجھتی کمیٹی ءِ رھشون صبیحہ بلوچ ءَ نیشنل پاٹی ءِ سروک سردار مینگل ءِ کاروان ءِ سر ءَ بیوکیں وتکش اُرش ریاستی پالیسی ءِ بھر انت-
آئی ءَ گوشتگ ریاست پالیسی ایش انت کہ ‘ مارا بلوچستان ءُ آئی ءِ مڈی دوست انت بلے بلوچ اناں ’-
صبیحہ بلوچ ءَ گوشتگ ریاست ءَ نی بلوچستان ءِ وسائل ءُ سرزمین ءِ سر ءَ قبضہ ءِ گیش مھکم کنگ انت ءُ ھما بلوچ ءِ کشگ ءِ ارادہ ءَ دار ایت کہ آ راجی ھکانی واستا توار چِست کنت اِنت-
آئی ءَ گوشتگ بلوچ راج ءَ را کڈن کتگ کہ آ کجام شک ءَ ابید یکجاہ بیگ ءُ یکجاھی ءَ دیم ءَ بہ بر ات کہ ریاستی زوراکی ءُ درندگی ءِ ھلاپ ءِ جد ءُ جھد ءَ ابید دگہ راہ نیست انت-
زانگ بہ بیت سردار اختر مینگل ءِ کاروان ءِ سر ءَ شال ءِ نزیک ءَ لک پاس ءَ وتکش اُرش کتگ، چریشی ءَ آ رک اتگ بلے آئی ءِ دو پھزدار زدگ بیتگ انت-