بلوچ یکجھتی کمیٹی ءَ گْوشتگ کہ ما راجی جُھد ءُ راجی گھگیری ءِ ھرچ کار ءِ سرجمیں ءَ پلامرزی ءَ اوشتاتگ ایں – اے نازُرکیں وھد ءَ ما سرپد بہ ایں کہ بلوچ چاگرد تہ ءَ سرجمیں سیاسی ءُ چاگردی توانمنداں مچی گھگیری ءِ راہ گچین کنگ لوٹ اِیت- یک یکجاھی زرمبشتے ءَ چہ ما اے نوآبودیاتی نزام ھلاس کُت کن ایں-
آئی ءَ گْوشتگ کہ زُلم ءُ زوراکی ءَ چہ جوڑ بیتگیں ڈھانچہ ءِ تہ ءَ انساپ لوٹ اے بُنیاداں مھکم کنت- زوراکی ءِ نزام ءِ سرجمی ءَ چہ بُن ھُنڈالاں کشگ ءُ دور دیگ راستیں انساپ رست کنت- یکشل ءَ راجی گھگیری ءَ چہ زُلم ءِ پروش بیت کنت-
آئی ءَ گْوشتگ کہ بلوچستان نیشنل پارٹی ءِ لانگ مارچ جار ستاکرزیں گامگیجے ءُ ما اے پیسلہ ءِ شرپ ءَ کن ایں-