بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں نوزدہ مارچ ءَ تمپ ءَ ملٹری انٹیلی جنس ءِ سروکی ءَ پُرکاریں ڈیتھ اسکواڈ ءِ ھاسیں کارندہ، جلائی ء اللہ بخش جھمنند تمپ تیرگواری کتگ کُشتگ ءُ آئی ءِ سلاہ دستیگ کتگ- اُرش ءِ وھد ءَ جلائی ھمراہ ڈیتھ اسکواڈ ءِ دگہ یک کارندھے ھم بیتگ بلے آ رکّ اِتگ تچگ ءَ سوبمند بیتگ، بلے گل ءِ گور ءَ آئی ءِ سرجمیں پجّار ھست اَنت کہ آئی ءَ زوت آئی ءِ میارباری ءِ سزا دیگ بیت-
جارکش ءَ گْوشتگ کہ ریاستی کارندہ جلائی گوستگیں باز سالاں چہ بلوچ راجی جُھد آجوئی ءِ ھلاپ ءَ پُرکار بیتگ ءُ جتاجتائیں دمگاں، گومازی، ملانٹ، پُل آباد، ملک آباد، ءُ نزر آباد ءَ بلوچ ورنایانی زورانسری آوار جنی، ٹارگٹ کلنگ ءُ منشیات کار ءُ بار ءَ تچکی ءَ ھوار بیتگ-
جارکش ءَ گْوشتگ کہ گوستگیں ماہ ءَ گومازی ءَ کسان سالی ئیں ورنا معراج بلوچ، کریم بلوچ ءُ دگہ ورنایانی شھادت ءَ ھم جلائی ٹولی تچکی ءَ ھوار بیتگ اَنت- اے ٹولی بازیں ورنا پاکستانی پوج ءِ دست ءَ آوار جنی نشانگ کنگ ھمگرنچ بیتگ – گل ءِ گور ءَ اے سرجمیں مردمانی سرجمیں پجّار ھست اَنت، ءُ آیاں زوت گُڈی آسر ءَ سر کن ایں-
جارکش ءَ گْوشتگ اے اُرش میان ءُ طاھر نامیں یک بے میاریں بلوچ شھری یے بدبھتی ءَ چہ تیرانی نشانگ ءَ اَتکگ ءُ ٹپی بیتگ چریشی ءَ ما بژنیگیں ءُ گل ٹپی طاھر ءُ آئی ءِ گوں چہ پھلی لوٹ اِیت-
جارکش ءَ گْوشتگ بلوچستان لبریشن فرنٹ ڈیتھ اسکواڈ کارندہ جلائی کوش زمہ واری ءَ منّ اِیت ءُ بلوچستان ءِ وتواجھی ءَ تاں زورگریں پوج ءُ آئی چاریگاں نشانگ کنت-