شال ءَ زھرشانی کنوکانی سر ءَ تیرگواری، باندا سرجمیں بلوچستان بند کنگ ءِ جار

بلوچ یکجھتی کمیٹی ءَ پولیس ءِ نیمگ ءَ زھرشانی کنوکانی سر ءَ لٹ ءُ کٹ ءُ تیرگواری ءُ بازینانی کُشگ ءُ زدگ کنگ ءِ ھلاپ ءَ باندا سرجمیں بلوچستان ءَ ھرتال ءُ زھرشانیانی جار جنگ بیتگ-

بلوچ یکجھتی کمیٹی ءَ وتی شنگ کتگیں درشان ءَ گوشتگ مروچی ریاست ءَ بلوچستان ءُ ناشرکاری ءُ زوراکی ءِ دراھیں رھبند لگتمال کتگ انت ءُ شال ءَ پُرایمنیں زھرشانی کنوکانی سر ءَ تچک ءَ تیرگواری کتگ ءُ چریشی ءَ مئے سَے ھمراہ شھید بیتگ انت ءُ بازیں کچے ءَ زدگ انت-

بلوچ یکجھتی کمیٹی ءَ گوشتگ ریاست پاکستان ءِ اے زوراکہ ءُ ناشرکاری ءِ ھلاپ ءَ سرجمیں بلوچستان بند کنگ بیت اِنت ءُ باندا سرجمیں بلوچستان سٹرڈاؤن ءُ پھیہ جام ھڑتال کنگ بیت اِنت-

گل ءَ گوشتگ شال ءَ آیانی لاشانی ھواری ءَ زھرشانی برجاہ انت شال ءِ مھلوک ءَ گوں دزبندی انت کہ زھرشانی نندانک جاہ ءَ سر بہ بنت اِنت-