زورانسری بیگواھیں مردمانی کھول ءَ نندانک دیان ءَ راجی شھدگ بند کتگ-
چہ مستونگ ءَ پاکستانی پوج ءِ بیڑ ءُ دزگیریاں پد زورانسری آوار جنی ءِ نشانگ بیتگیں مردمانی کھولاں دوستناکانی یل کنائینگ ھاتر ءَ مستونگ نزیک ءَ شال کراچی بُنجاھی شھدگ سر ءَ زھرشانی کنان ءَ نندانک داتگ-
کھول ءَ نندانک دیان ءَ شال کراچی دگ بند کتگ چریشی ءِ سبب ءَ گاڑیانی روگ ءُ آیگ بند بیتگ-
گوستگیں شپ ءَ پاکستانی پوج ءِ دست ءَ آوار جنگ ءُ بیگواہ کنگ بیتگیں چیئرمین ظاھر بنگلزئی، شیراز بنگلزئی ءُ سلمان بنگلزئی ءِ زورانسری آوار جنی ءِ ھلاپ ءَ کھول نواب ھوٹل ھند سر ءَ نندانک دیگ ءَ اَنت-
زھرشانی کنوکانی لوٹ اِنت کہ ھکومت آیانی بیگواھیں مردماں یل کنگ ءِ دلجمی بدنت-