مکران کوسٹل ھائی وے سر ءَ رینٹ گاڑی ءِ ڈرائیور وتی برات ءُ یک مساپرے ءِ ھمراھی ءَ بیگواہ، گُڈی رند ءَ آ پسنی زیروپوائنٹ سر ءَ ٹراما سینٹر ءِ نزیک ءَ گندگ بیتگ اَنت-
ھالانی رِد ءَ مکران کوسٹل ھائی وے سر ءَ رینٹ گاڑی ڈرائیور میر بشیر احمد بلوچ ء لعل محمد جھمنند ملیر کراچی ءُ آئی ءِ کستریں برات میر نصیر احمد لعل محمد جھمنند ملیر کراچی سپر میان ءَ بیگواہ بیتگ اَنت-
اِھوالکار رِد ءَ گاڑی ءَ دگہ مساپرے ھم سوار بیتگ کہ آئی ءِ سیادی روکپتی بلوچستان ءَ چہ گوشگ بیگ ءَ اِنت-
نزیکیں سیاداں داتگیں ھالانی رِد ءَ میر بشیر احمد ءِ گاڑی گُڈی رند ءَ پسنی زیروپوائنٹ ءِ ھند سر ءَ ٹراماسینٹر ءِ دیم ءَ اوشتگ ءَ گندگ بیتگ ءُ اشی ءَ پد دوئیں برات مساپر ءَ ھوار بیگواہ اَنت-
میر بشیر احمد بازیں مدتے ءَ چہ کراچی ءُ گوادر ءِ راہ ءَ رینٹ گاڑی چلائین اِیت، کھول ءَ بُرزی واکدار ءَ چہ آئی ءِ یل کنائینگ لوٹ کتگ-