بلوچ لبریشن آرمی ءِ دستیگ ءَ جعفر ایکسپریس، ریکسو آپریشن بے سوب، سرکاری واکدار ءِ پدری

بولان ءِ نزیک ءَ یازدہ مارچ ءَ بلوچ لبریشن آرمی ءِ نیمگ ءَ چہ جعفر ایکسپریس ریل دستیگ کنگ ءَ پد یرگمالیانی یل کنائینگ ھاتر ءَ کنگ بیتگیں دو کوشش بے سوب بیتگ اَنت، کہ آئی پدری سرکاری واکدار ءَ کتگ-

یک پاکستانی واکدار ءَ میانی اسمتانی رسانکدر ادارہ گارڈین ءَ گْوشتگ کہ کساس یک سد سی یرگمالی تاں انگت بی ایل اے ءِ دست ءَ اَنت ءُ ریل ءِ تہ ءَ اَنت-

سرکاری وکدار رِد ءَ گوستگیں شپ ءَ یرگمالیاں آجو کنگ جُھد کنگ بیتگ بلے اے میان ءَ پوج ءَ گھگیری ءِ دیمپانی کنگ کپتگ وھدے کہ مروچی سُھب ءَ پد ءَ یکرندے کوشش کنگ بیتگ ءُ اے ھم بے سوب بیتگ-

دومی نیمگ ءَ بی ایل اے ءَ وتی جنگولاں چہ کتگیں ھال اھوال ریکارڈنگ ءَ ٹاہ دیگ بیتگ کہ پاکستانی پوج نیمگ ءَ کنگ بیتگیں ریسکیو جُھد آیاں بے سوب کتگ ءُ نو واکدار اے ٹاہ ءِ پدری کتگ-

بی ایل اے ءِ رِد ءَ، جعفر ایکسپریس ءُ اشی ءَ سوار کساس دو سد ءَ گیش پاکستانی پوج ءِ زوراکی ءِ پُشدر ءَ سد ءَ نزیک ءَ چہ یرگمالی پوجی کُشتگ اَنت-

گل ءَ دیمتر ءَ بیھار داتگ کہ اگاں پاکستانی پوج جھلی یا بُرزی کاروائی ءِ جُھد کت گُڑا یرگمالیاں کوش ایں-

بی ایل اے ءَ جار جتگ کہ اگاں آؤکیں بیست چار کلاکانی تہ ءَ آیانی لوٹانی سر ءَ گامگیج زیرگ نہ بیت گُڑا آیانی گور ءَ بندیگیں سرجمیں یارگمالی کُشگ بنت-