بلوچستان ءِ دمگ ھزدار ءَ یک رندے پد ءَ سلاہ بندیں مردماں پولیس ےِ تھانہ ءِ سر ءَ اُرش کتگ ءُ سلاہ ءُ دگہ سامان برتگ انت-
سلاہ بندیں مردماں گوستگیں شپ ءِ ساھت یازدہ بج ءَ وڈھ ءَ کلی سالہ مھمد روڈ ءَ پولیس ءِ تھانہ ءِ سر ءَ اُرش کتگ-
اھوالانی رد ءَ اُرشکاراں پولیس ءِ سلاہ ءُ دگہ ساز ءُ سامان برتگ انت ءُ بلے دگہ جانی تاوانانی اھوال نہ بیتگ انت-
زانگ بہ بیت دو روچ پیچ ھزدار ءِ دمگ اورناچ ءَ پولیس ءُ لیویز ءِ تھانہ ءُ گاڑی سوچگ بیتگ ات اَنت- آئی ءِ زمہ واری بلوچستان لبریشن فرنٹ ءَ زرتگ ات- بلے وڈھ ءِ وئیل ءِ زمہ واری کس ءَ پہ وت نہ زرتگ-