بلوچ مردمانی زورانسری آوار جنیانی دْرچ برجاہ دگہ یک بلوچے بیگواہ-
گیشیں ھالانی رِد ءَ مچھ بولان ءِ جھمنند داود ساتکزئی ء محمد خیر ساتکزئی کہ بُنکی ڈگاری ءِ جھمنند اِنت ءُ یک ڈرائیورے- آ زی سے مارچ ءَ بیگواہ کنگ بیتگ-
کھول رِد ءَ اے مرد ءَ اشکر لوڈ کتگ وتی گاڑی سر ءَ پنجاب ءَ روگ ءَ بیتگ کہ سُھب شش نزیک ءَ چہ جیک آباد ءَ آئی ءِ پجّار کارڈ چارگ ءَ پد زورانسری بیگواہ کتگ-
اے مردمانی پجّار چہ سادھیں پوشاکانی تہ ءُ پولیس کارمنداں چہ بیتگ اَنت کہ آیاں داؤد ساتکزئی بیگواہ کتگ-
اشی ءَ پد کھول ءُ ٹرانسپورٹ ءِ واھنند جیک آباد ءَ پولیس تھانہ ءُ نزیکیں سرجمیں تھانھاں داؤد ساتکزئی شوھاز کتگ بلے آئی ءِ ھچ وڑیں سرپدی نہ رس اِتگ-
کھول ءَ لوٹ کتگ کہ داؤد ساتکزئی ءَ دیم ءَ بیار اَنت- آیاں وتی چک ءِ زندمان ءِ درگت ءَ سک تُرس اِنت-