شال ءَ پاکستانی پوج ءِ سر ءَ دو جتاجتائیں اُرشانی زمہ واری بی ایل اے ءَ منّ اِتگ اَنت

بلوچ لبریشن آرمی ءِ جارکش جیئند بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ مئے سرمچاراں شال ءَ دو جتاجتائیں اُرشاں زورگریں پاکستانی پوج نشانگ کتگ جانی ءُ مالی تاوان ءِ دیمپان کتگ اَنت-

جارکش ءَ گْوشتگ کہ بی ایل اے ءِ سرمچاراں یکشمبے ءِ شپ ءَ شال سریاب دگ سر ءَ ڈگری کالج نزیک ءَ برجاھیں زورگریں پاکستانی پوج ءِ چوکی یک اُرشے ءَ نشانگ کتگ، سرمچاراں دُژمنیں پوج سر ءَ گرنیڈ لانچر ءَ چہ بازیں گولھے آس داتگ چریشی ءِ آسر ءَ آیاں جانی ءُ مالی تاوان چست کنگ کپتگ-

جارکش ءَ دیمتر ءَ گْوشتگ کہ بلوچ لبریشن آرمی ءِ سرمچاراں دگہ یک اُرشے گوستگیں شپ ءَ شال ءَ بروری ءِ دمگ ءَ زورگریں پاکستانی پوج ءِ کرانی چیک پوسٹ اُرش ءِ نشانگ کتگ، سرمچاراں دُژمنیں پوج ءِ سنگرجاہ گرنیڈ لانچر ءَ چہ بازیں گولھے آس داتگ ءُ نشانگ کتگ کہ سوبمندی ءَ وتی نشانگ ءَ کپتگ اَنت چریشی ءِ آسر ءَ دُژمنیں پوج ءَ تاوان چست کنگ کپتگ-

جارکش ءَ گْوشتگ کہ بلوچ لبریشن آرمی اے دوئیں اُرشانی زمہ واری ءَ منّ اِیت-