شال، نوشکی : پولیس تھانہ ءُ پوج ءِ پوسٹ ءِ سر ءَ اُرش

پاکستانی پوج ءِ دو جتاجتائیں اُرش تاوانانی دیمپان-

چہ شال ءَ ھالانی رِد ءَ ناشناسیں سلاہ بندیں مردماں شال ھزارہ ٹاؤن ءِ نزیک ءَ پاکستانی پوج ءِ کرانی چیک پوسٹ ءِ اُرش ءِ نشانگ کتگ کہ اود ءَ تُرندیں تیرگواری ءُ تراکانی توار اش کنگ بیتگ-

وئیل ءَ پد پوج ءِ مزنیں کچے ءَ دمگ ءَ سر بیتگ اَنت وھدے کہ اُرش ءَ پوج ءَ جانی ءُ مالی تاوان چست کنگ ھم ھال اِنت-

ھمے وڑ نوشکی شھر ءَ ناشناسیں مردماں پولیس تھانہ بمب اُرش نشانگ کتگ چریشی ءَ چہ پولیس تھانہ ءِ بُنجاھی دیوال ءَ سک تاوان رس اِتگ بلے وئیل ءَ تنی وھدے جانی تاوان ھال نیست-

زانگ بہ بیت کہ گوستگیں بیست چار کلاکاں بلوچستان ءِ دمگ کلات، مند، آواران ءَ پاکستانی پوج سر ءَ تُرندیں اُرش کنگ بیتگ وھدے کہ اشی ءَ ساری شال ءَ سریاب نزیک ءَ پاکستانی پوج ءِ چیک پوسٹ اُرش نشانگ کنگ بیتگ-

پاکستانی پوج ءَ اے اُرشانی پدری کنان ءَ سے کارمندانی بیرانی ءُ ھشت ءِ ٹپی بیگ گپ راست کتگ وھدے کہ، کیچ اُرش زمہ واری بلوچستان لبریشن فرنٹ ءِ جارکش ءَ درشان تہ ءَ گْوشتگ اُرشاں ھپدہ کارمند کشتگ-