پسنی ءَ دو جتاجتائیں اُرشاں دُژمن ءِ شش کارمند کشتگ اَنت – بی ایل ایف

بلوچستان لبریشن فرنٹ ءِ جارکش میجر گوھرام بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں پسنی ءَ زورگریں پاکستانی پوج ءِ کاروان ءُ کنسٹرکشن شرکت ءِ گاڑی دو جتاجتائیں اُرشاں نشانگ کتگ، چریشی ءِ آسر ءَ دُژمن ءِ شش کارمند مرتگ ءُ دو گاڑی تباہ بیتگ اَنت-

جارکش ءَ گْوشتگ کہ مئے سرمچاراں مروچی سُھب ءِ دہ ءَ جوھی کلانچ ءِ ھند سر ءَ زورگریں پاکستانی پوج ءِ کاروان ءَ ھواریں گاڑی ھما وھد ءَ آئی ای ڈی بمب اُرش ءِ نشانگ کتگ وھدے آ کاروان ءِ دروشم ءَ گوزگ ءَ بیتگ اَنت- اُرش ءِ نشانگ ءَ آیگ ءَ چہ پوج ءِ یک گاڑی یے سرجمی ءَ تباہ بیتگ چریشی ءَ سواریں سرجمیں کارمند جاہ پہ جاھی مرتگ اَنت-

جارکش ءَ گْوشتگ کہ دگہ یک اُرشے ءَ سرمچاراں گوستگیں شپ ءِ ھشت ءَ پسنی ءِ دمگ دُراوال ءَ کلانچ ھند سر ءَ دگ جوڑ کنوکیں بند ساچی شرکت ءِ یک ٹرکے مانداشتگ ءُ تباہ کتگ-

جارکش ءَ گْوشتگ اُرش بلوچستان ءِ جُھد آجوئی ءِ بھر اَنت ءُ زورگریں پاکستانی پوج ءِ ھلاپ ءَ گھگیری برجاہ بیت- ما بلوچ راج ءَ چہ دزبندی کتگ کہ دُژمنیں توانمنداں ءُ آیانی شریکداراں چہ دیر بہ بنت دانکہ جانی تاوان ءَ رکینت بہ کن ایں-

جارکش ءَ گوشتگ بلوچستان لبریشن فرنٹ ءِ دوئیں اُرشانی زمہ واری ءَ منّ اِیت ءُ بلوچستان ءِ وتواجھی ءَ تاں زورگریں پوج ءُ پوجی شوربندیانی سر ءَ اُرش برجاہ بنت-