تربت ءَ بلوچ اسکالر اللہ داد بلوچ ءِ کوش بلوچ چُکچینی ءِ دْرچ ءِ بھر اِنت- بی وائی سی

الم بوانیت

بلوچ یکجھتی کمیٹی ءِ جارکش ءَ گْوشتگ کہ گوستگیں شپ ءَ گمشاد ھوٹل، تربت ءَ بلوچ اسکالر اللہ داد بلوچ ریاستی چیریں ادارھانی کارمنداں تیرگواری کتگ شھید کتگ – اللہ داد بلوچ وڑیں واھنندیں ورنایانی کوش، بلوچ چاگرد ءِ کابلیں پکر سسّیانی کوش اِنت- ریاستی ادارھاں یک شوربندی رِد ءَ آ نشانگ کتگ-

آئی ءَ گْوشتگ کہ تربت ءَ ھوار سرجمیں مکران ءَ گوستگیں چیزے ماھانی میان ءَ بازیں مردمے درکانودی کُشگ بیتگ، آیانی تہ ءَ زورانسری آوار جنی ءِ نشانگ کنگ بیتگیں مردم ھم ھوار بیتگ اَنت- درکانودی کوش بلوچ چُکچینی ءِ پالیسانی بھر اِنت، چریشی ءِ رِد ءَ بلوچاں پجّار کنگ ءَ جتاجتائیں دروشماں چہ نشانگ کن اَنت- اے وئیلانی تہ ءَ تُرندی ءَ چہ گیشی سک تُرسناک ءُ بلوچستان ءَ ریاستی زُلم ءُ زوراکی ءِ تُرندی منانک اِنت-

آئی ءَ گْوشتگ کہ ما مکران ءَ ھوار سرجمیں بلوچستان ءِ انّیگاں درکانودی کوش ءِ وئیلانی ھلاپ ءَ تربت ءَ پریس کانفرنسے کن ایں ءُ وتی دیم کار ءِ جار جن ایں-

نوکتریں