بلوچستان: پاکستانی پوج ءِ دست ءَ 6 مردم دزگیر کنگ ءَ پد بیگواہ

بلوچستان ءِ دمگ پنجگور ءُ کیچ ءَ پاکستانی پوج ءَ شش مردم دزگیر کنگ ءَ پد بیگواہ کرتگ انت-

بیگواہ بیتگیں مردمانی پجار مھمود ء مھپوز، نعمان رفیق، راحجل علی، روشن علی، آدم غلام جان ءُ نسیم بشیر ءِ ناماں زانگ بیتگ انت-

ایشانی توک ءَ مھمود چہ پنجگور ءِ دمگ عیسیٰ ءَ گوستگیں روچاں بیگواہ کنگ بیتگ-

دومی نیمگ ءَ تربت ءِ دمگ بھمن ءَ گوستگیں بازیں روچ ءَ پوجی آپریشن برجاہ انت گوستگیں شپ ءَ پوج ءَ لوگانی سر ءَ بیڑ برتگ ءُ راحیل علی، روشن علی، آدم غلام جان ءُ نسیم بشیر دزگیر کتگ ءُ برتگ انت-

دومی نیمگ ءَ ھاران ءِ جھمنندیں دو براتانی آوار جنی ءِ ھلاپ ءَ کھول ءِ نیمگ ءَ ھاران ریڈوزن ءَ زھرشانء نندانک برجاہ انت-