بلوچستان ءِ دمگ ھاران ءَ شاپنگ سینٹر ءَ گوستگیں روچ ءَ پاکستانی چیریں ادارھاں مبارک سیاہ پاد نامیں مردمے آوار جنگ ءَ پد بیگواہ کتگ-
اھوالانی رد ءَ مبارک سیاہ پاد گوستگیں روچ ءَ ھاران ءَ پاکستانی پورسز ءَ آوار جتگ ءُ برتگ ءُ دوشیگیں شپ ءِ ساھت دوازدہ ءَ آئی ءِ کستریں برات حافظ علی چہ شال ءَ آوار جتگ ءُ برتگ-
ھردوکیں براتانی آوار جنی ءِ ھلاپ ءَ کھول ءَ زھرشانی کنان ءَ ھاران ریڈزون ءَ زھرشانی نندانک داتگ ءُ دگ بند کتگ-
ھمے وڑ چہ کیچ ءَ چار مردمانی آوارجنی ءِ اھوال آیگ ءَ انت-
بلوچستان ءَ مردمانی آوار جنگ ءِ درچ یکشل ءَ برجاہ انت ءُ ھمک روچ مردمانی بیگواہ بوگ ءِ اھوال آیگ انت-