ھاران ءَ دو جتا جتائیں جاھاں ناشناسیں مردماں تیرگواری کتگ ءُ یک مردمے کشتگ ءُ یکے زدگ کتگ-
اھوالانی رد ءَ گریڈ اسٹیشن ءِ نزیک ءَ ناشناسیں سلاہ بندین مردمانی تیرگواری ءَ کلی بنگلزئی ءِ جھمنند انیس ء گل مھمد بنگلزئی بیران بیتگ، ھمے وڑ ھاران ءَ شھر ءَ کوھنیں ھسپتال ءِ دیم ءَ ناشناسیں سلاہ بندیں مردمانی تیرگواری ءَ نادر ء ملک مھمد یلانزئی زدگ بیتگ-
زدگ بیتگیں نادر یلانزئی بنداتی درمان ءِ واستا ھاران ڈی ایچ کیو ھسپتال ءَ برگ بیتگ، اود ءَ آ گیشیں درمان ءِ ھاتر ءَ شال ءَ برگ بیتگ –
پولیس ءَ ھردوکیں وئیلانی پٹ ءُ پول بندات تنی وھدی وئیلانی بارو ءَ سرپدی نہ بیتگ-