بی ایل اے مجید بریگیڈ تربت اُرش: تامر بندی کلوہ شنگ

بلوچ لبریشن آرمی ءَ تربت ءَ پاکستانی پوج ءِ کاروان ءَ ھواریں بس ءِ نشانگ کنوکیں بی ایل اے مجید بریگیڈ ءِ پدائی بھار علی پنام ءِ کاروان ءِ تامربندی کلوہ شنگ کتگ کہ چریشی ءَ آ بلوچ راج، پاکستان ءُ چین ءَ ھوار دگہ ڈیھ ءُ وتی لوگ ءِ مردماں کلوہ دیگ ءَ انت-

بی ایل اے ءِ آفیشل میڈیا چینل ھکل ءَ شنگ بیتگیں تامر بی ایل اے ءِ نیمگ ءَ اُرش ءِ ایکسکلوزیو تامر ھوار انت کہ ایشی ءِ توک ءَ اُرشکار ءِ گاڑی ءُ تراک گندگ بیت اِنت-

تامر ءِ بندات ءَ مجید بریگیڈ ءِ پدائی بھار علی پوجی ھیلکاریاں کنگ ءَ گندگ بیت اِنت ھمے وڑ تامر ءَ اُرش ءَ کارمرد بیتگیں گاڑی ءَ اُرشکار بارودانی ھواری ءَ گندگ بیت اِنت-

مجید بریگیڈ ءِ پدائی وتی کلوہ ءِ بندات ءَ ھما لبزاں کنت ‘ منی راج ءَ مھرانی دروت، درستاں پیش من وتی شھیداں سھریں سلام پیش کن آں کہ آیاں اے سرڈگار ءِ واستا وتی جان کربان کتگ ءُ ھون ریتکگ اَنت-

بھار علی وتی کلوہ ءَ گوش ایت کہ مروچی ما گندگ ءَ ایں پاکستان مئے سر ءَ کجام رنگیں زُلم کنگ ءَ انت – مروچی اے زُلمانی ھلاپ ءَ، وتی سرڈگار ءِ پھریزگ ءِ ھاتر ءَ وتی جان ءُ ھر ڈولیں کربانیاں پشت ءَ نہ کنز ایں – ھمراہ پیش ءَ ھم پشت ءَ نہ کنز اتگ اَنت ءُ آیوکیں وھداں ھم کربانی ءِ واستا پشت ءَ نہ کنز انت- مروچی من وت کربانی دیگ ءِ پیسلہ وتی سرڈگار بلوچستان ءُ بلوچ راج ءِ ھاتر ءَ کتگ- پاکستان مئے ماتاں، گوھاراں ءُ زھگانی سر ءَ ھرچ ڈولیں زوراکی کنگ ءَ انت آیان جنگ اِنت ءُ چِست کنگ ءُ بیگواہ کنگ اِنت – اے کس ءَ چہ چیر نہ اَنت – من اے پیسلہ زرتگ کہ پاکستان ھچے نہ انت نیست ءُ نابود اِنت – انشا ء اللہ باج مئیگ بیت اِنت ءُ پاکستان ءَ چہ بلوچستان ءَ کش ایں-

آ گوش ایت کہ پاکستان ءِ گور ءَ انگت وھد ھست اِنت کہ اد ءَ چہ بہ روت اِنت – آ وھد دور نہ اِنت- انشاء اللہ وھدیکہ بلوچ راج یکجاھی ءَ چِست بیت اِنت ءُ ترا اد ءَ وتی لاشانی چِست کنگ ءَ ھم وھد نہ رس ایت تئی لاش بلوچستان ءِ پٹ ءُ میداناں ایر بنت اِنت-

راج ءِ نام ءَ کلوہ ءَ پدائی بھار علی گوش ایت کہ مروچی بلوچستان ءَ جنگ برجاہ اِنت – بیا ات اے جنگ ءِ بھر جوڑ بہ بیت اَنت ایشی ءَ وتیگ بہ کن ات ءُ اے مئیگ ءُ شمئے جنگ اِنت- ما یک گلامیں راجے یے – ءُ اگاں کسے گلامی ءِ گپ ءَ جنت اِنت گڑا اے کسہ گپانی گوں سرجم نہ بیت اِنت اے جنگ ءِ بھر جوڑ بہ بیت – بلوچ راج جنگی جاوران اِنت ءُ ایشی ءَ وتیگ کنگ مئے زمہ واری اِنت اگاں کسے کجام دروشم ءَ اے جنگ ءِ بھر بیت اِنت گڑا راجدپتر ءَ ھروھد ءَ یات کنگ بیت اِنت- مروچی اگاں کسے اے جنگ ءِ بھر نہ بوت گڑا اے درگت ءَ سوچ جت ھم نہ کنت کہ آیوکیں راجدپتر آئی ءَ کجام رنگ ءَ پھل کنت اِنت راجدپتر کسے ءِ سر ءَ رھم نہ کنت اِنت-

آ گیش گوش ایت مروچی شما اے سرڈگار ءِ جاوراں بہ چار اِت – من وتی بارو ءَ گوش آں کہ منی مات ءَ من ءَ پیداگ کتگ ءُ من اے کچ ءَ سر بیتگ انت اے سرڈگار ءِ سر ءَ وتی بنداتی گام ایر کتگ داں انیگ ءَ من ھرچ پیسلھے زرتگ ایشی ءِ دیم ءَ سک کسان انت من اے سرڈگار ءِ ھک ءَ را ادا کت نہ کتگ – من ءَ بیت کنت پیش ءَ موہ نہ رس اتگ بلے اے امل ءِ واستا بازیں وھدانی وداریگ بیتگ آں – ھمراہ اے امل ءِ واستا پیش ءَ پدائی بیتگ انت- مروچی منی باریگ انت ءُ ھمراھاں من ءَ موہ داتگ – ھمے واستا گوں دل ءِ جھلانکاں منتواراں – انشا ء اللہ ما یکجاھیں ءُ بلوچ راج ءَ اے جنگ ءِ بھر بوگ ءَ دیم ءَ آیگی انت- مروشء ما گندگ ءَ ایں مئے مات، گوھار، کماش ءُ ورنا مئے ھمراہ انف – مروچی مئے راج گلامی ءِ زندگی ءَ گوازینگ ءَ انت – اے گلامی ءِ ھلاپ ءَ المی انت کہ توپک چِست کنگ بہ بیت – دانکہ توپک چِست نہ کن ئے اے گلامی ءَ چُٹ ات نہ کن ات- پرچاکہ ما یک زالمیں ریاستے ءِ چیردست انت – اے ریاست وتی زُلمانی پسوا بس جنگ ءَ سرپد بیت اِنت- مئے ھمراہ وتی سینگاں شورو بندگ ءُ دشمن ءَ مکابلہ کنگ ءَ انت ءُ اے سلسلگ دیم ءَ ھم برجاہ اِنت-

آ گیش گوش ایت کہ مروچی من آں باندا دگہ ورنایے بیت اِنت یا گوھارے بیت اِنت – اے جنگ ءِ بھر بنت اِنت ءُ دشمن ءَ را ھنچیں دھشت دے اَنت ھروھد ءَ یات کنت اِنت – ما یک ریاستے ءِ برجم کنگ ءُ پاکستان ءِ پروشگ ءِ گپ ءَ جن ایں – اے امل ءَ ابید ممکن نہ انت – مارا جسمانی، زھنی ءُ پکری دروشم ءَ وت ءَ تیار کنگی اِنت- آیوکیں تیر وتی سینگ ءَ جاگہ دیگی انت – ھمے امل ءَ ما انشاء اللہ پاکستان ءَ پروش دے ایں- آیوکیں وھداں پاکستان دنیا ءِ نکشہ ءِ توک ءَ گار بیت اِنت ءُ ایشی ءِ نام ءُ نشان نہ بیت اِنت ھمے امل ءِ وھد ءَ ریاستِ بلوچستان وتی آیوکیں باندات ءَ سرجم کنت اِنت-

بھار علی گیش گوش ایت کہ ما وتی گوھارانی زندگی ءَ بہ چار ایں کہ آیاں ھچ چیزے کمی نہ اِنت چُشکہ شھید شاری ءِ زند ءَ ھچ ڈولیں کمی نہ بیتگ آئی ءَ وتی سینگ ءَ بارود بستگ ءُ دشمن ءِ دیم ءَ شتگ ءُ وتی املے سرجم کتگ بلکل ھچ چیزے کمی نہ بیتگ – ما شھید سمعیہ ءُ شھید ماھل ءِ دروشم ءَ بہ چاریں مئے براتاں پدائی اُرش کتگ انت ھمایانی تک ءَ ما اے جاہ ءَ سر بیتگ انت کہ شھید استاد اسلم، آئی ءَ مارا ھمے راہ ءَ پرینتگ ءُ پیش داشتگ ما جنزان انت منی ایمان انت منی ستک انت مارا چہ پد ھمراہ کاینت فدائی اُرش کن انت مئے توپک ءَ وتی کوپگاں کن اَنت ما چاریں ھرچ راجے کہ بلوچ راج ءِ سر ءَ زورگر بیتگ ءُ بلوچ ءَ وتی پسو داتگ ءُ جنگ ءِ راہ گچین کتگ –

بی ایل اے ءِ پدائی گوش ایت مروچی پاکستان بیت، چین بیت یا دگہ ڈیھے بیت انت ھرکس بلوچ سرڈگار ءَ زورگر انت آئی ءِ ھلاپ ءَ بلوچ راج اوشتاتگ ءُ آئی ءِ مکابلہ ءَ کنگ ءَ انت ھرکس کہ زورگر بیت اِنت بلوچ آئی ءِ ھلاپ ءَ اوشتگ ءَ تیار انت مروچی بازیں زورے ءَ بلوچستان ءَ جنگ برجاہ اِنت کہ بلوچستان ءِ سر ءَ پاکستان زورگر انت پاکستان ءِ مکابلہ کنگ ءِ واستا ھمراہ تیار انت ءُ پاکستان وڑ وڑیں زلم کنگ ءَ انت، بلوچ راج ءِ سر ءَ، کسانیں زھگانی سر ءَ، کماشانی سر ءَ زُلم کنگ انت ایشی ءَ چہ چُٹگ ءَ بی ایل اے مجید بریگیڈ ءِ بھر جوڑ بیتگ انت اَچ من پیش ھم ھمراہ شھید پدائی بیتگ انت ءُ اَچ من پد ھم مجید بریگیڈ ءِ بھر بنت اِنت مجید بریگیڈ ءَ ھوار بوگ ءَ امل ءِ درکاری انت ءُ جرات ءُ ھمت ءِ درکاری انت-

آ گیش گوش ایت کہ مرگ ھرکسی کیت اِنت ابید ءِ توپک ءَ مردم مِر انت اگاں کسے گوش ایت کہ ما جنگ ءِ بھر بہ ایں جنگ بہ ایں تو لوگ ءَ نندے ھم مِرے مرگ الم انسان ءِ سر ءَ کیت اِنت – اگاں مرگ ءِ ترس ءَ لوگ ءَ بہ نندیں دست ءَ دست ءِ سر ءَ ایر بہ کن ایں گڑا پاکستان مارا نہ بکش ایت مئے کماشاں گوست ءَ ھچ نہ کتگ مروچی مئے چَک ءَ ناوشیں جاور انت ما چنکس ھم بے وس انر مروچی ما جنگ ءِ بھریں – ما مجید بریگیڈ ءِ بھر انت ما وت ءَ آیوکیں نسلانی واستا کربان کنگ ءَ ایں ما گوش ایں مئے آیوکیں نسل ، بلوچ راج یک وشھالیں ءُ پرامنیں زندگی ءِ بہ گوازین ایت-

https://rumble.com/v69lv1s-bla-majeed-brigades-turbat-fidayee-operation.html

مجید بریگیڈ ءِ پدائی گوش ایت کہ پاکستان تو مارا چہ آجوئی پچگپتگ ما ترا انشاء اللہ آسودگی ءَ نہ ئیل انت مئے وشی پچگپتگ انت ترا ھم آرامی ءِ واب ھرام انت مجید بریگیڈ ءَ پیش ءَ ھم ترا چُپتگ مروچی ھم ترا چوپیت ایت ءُ آیوکیں وھداں ھم ترندی ءَ تئی سر ءَ اُرشکار بیت اِنت ھنچش ترا چوپ ایت کہ تئی مجگ ءُ گمان ءَ ھم نہ بیت اِنت مروچی بلوچ ءِ جنگ ترندی ءَ گوں جنزان انت آیوکیں وھداں ایشی ءَ گیش ترندی کیت اِنت مجید بریگیڈ ءِ ھمراھاں نا وتی ساہ ءِ پروا انت نا دگہ چیزے ءِ آ تیار انت بلوچ سرڈگار ءِ واستا ھرچ ڈولیں کربانی دیگ ءَ تیار انت ھچ رنگ ءَ پاکستان ءَ پھل نہ کن اَنت انشاء اللہ ترندی ءِ گون ءَ پاکستان ءِ مکابلہ ءَ کن اَنت-

بی ایل اے ءِ پدائی بھار علی لوگ ءِ مردمانی نام ءَ کلوہ ءَ گوش ایت کہ مروچی من ایوک نھاں اے سرڈگار ءِ سر ءَ اللہ ءَ من ءَ برات داتگ – ھنچیں مات ھست انت کہ وتی زھگاں رکست کن انت ءُ بلوچستان ءِ آجوئی ءِ واستا کربان اش کنگ ءَ انت-

ھنچش کہ دگرانی زھگ شتگ انت من ھم ھمے سرپد باں کہ آیاں چہ شرتر نھاں من وتی لوگ ءِ مردماں گوشگ لوٹ آں مھکم بہ بیت پھر بہ کن ات مروچی من آں باندا دگرے بیت اِنت اللہ پاک ءَ من ءَ برات، گوھار ءُ مات ءُ پت ھست انت-

اللہ ءِ شان ءَ سرجمیں کھول ھست انت آیانی درستانی واھشت منی واستا ھم بیتگ آں ھنچش دگرانی واستا بیتگ آں منی مات ءِ ھم واشت بیتگ انت – منی مات ءَ من ءَ نیکیں دوایاں گوں من ءَ کوھانی نیمگ ءَ رکست کتگ من ھرچی بہ گوش آں کم انت ءُ منی گور ءَ لبز نیست انت کہ من بہ گوش آں-

کلوہ ءِ گڈسری بھر ءَ بی ایل اے ءِ پدائی گوش ایت کہ بی ایل اے مجید بریگیڈ اے گام ءَ چست کنگ ءَ انت پیش ءَ ھم کتگ ئے ءُ آیوکیں وھداں دو دست گیش امل ءَ بیت انت ترندیں اُرش کنگ بیت اِنت پاکستان ءُ چین ءَ پروش دیگ ءَ – بلوچستان ءَ ھچ چوشیں تاکت ءُ زورگیر ءَ اجازت دیگ نہ بیت اِنت آ تری پاکستان بہ بیت انت، چین بہ بیت یا دگہ دری ڈیھے بہ بیت- آئی ءَ چہ بلوچستان ءِ سرڈگار ءِ سر ءَ اجازت نہ رس ایت آیوکیں وھداں بلوچ راج نہ دنت اِنت – ما بلوچستان ءِ آجوئی ءِ واستا درکپتگ انت دانکہ بلوچستان آجو نہ بیت انت، مجید بریگیڈ ءِ کاروان ھمے وڑ ءَ گیش بیان بیت اِنت – اے شھید جنرل اسلم ءِ رژنائیں راہ انت کہ ما ایشی ءَ جنزان انت-