بلوچستان ءِ دمگ کیچ ءِ ھند زامران ءَ سلاہ بندین مردماں پاکستانی پوج ءِ واستا مڈی سر کنوکیں یک گاڑی نشانگ کتگ-
دمگی مردماں ٹی بی پی ءَ گوں گوشتگ زامران نوانو ءَ سلاہ بندیں مردماں ٹرکے ھما وھد ءَ نشانگ کتگ ءُ ناکارہ کتگ کہ آ پوج ءِ واستا مڈی برگ ءَ پد واتری ءَ آیگ ءَ بوتگ-
سلاہ بندین مردماں ڈرائیور ءَ را تاوان نداتگ بلے ٹرک ءِ ٹائر ءُ انجن تباہ کتگ انت-
اُرش ءِ زمہ واری داں انگت ءَ ھچ گل ءَ پہ وت ءَ نہ زرتگ بلے اے دمگ ءَ بلوچ آجوئی لوٹوکیں سلاہ بندانی نیمگ ءَ پورسز ءِ واستا مڈی بروکیں گاڑی نشانگ بوگ ءَ انت-