بلوچستان ءِ دمگ پنجگور ءَ پاکستانی پوج ءَ دو مردم دزگیر کنگ ءَ پد بیگواہ کتگ انت، زورانسری بیگواھی ءِ ھلاپ ءَ کھول ءَ زھرشانی کنان ءَ دگ بند کتگ-
بیگواہ بیتگیں مردمانی ہجار مزید ء نزیر ءُ جاسم ء اھمد ءِ ناماں زانگ بیتگ انت-
اے ورنا گوستگیں شپ ءَ چہ پنجگور سیدان ءَ آوار جنگ بیتگ انت-
اے مردمانی بیگواھی ءِ ھلاپ ءَ کھول سیدان ءِ ھند ءَ زھرشانی کنان ءَ دگ بند کتگ ءُ چریشی ءَ روانی مھتل کتگ انت-
بلوچستان ءَ گوستگیں شپ ءَ داں انگت ءَ چار مردمانی بیگواھیانی اھوال رپورٹ بیتگ انت-
پنجگور ءَ پیش تربت ءَ گوستگیں شپ ءَ دو ورنا پوج ءَ لوگانی سر ءَ بیڑ برتگ ءُ آوار جتگ انت-
بلوچستان ءَ اے وھد ءَ زورانسری بیگواھیانی درچ یک رندے پد ءَ ترند کنگ بیتگ اَنت کہ ھمک بیگواھیانی اھوال رپورٹ بوگ ءَ انت-