ڈیرہ بگٹی : چلگی ءِ وھد ءَ مات گوں زھگ ءَ بیران

ڈیرہ بگٹی ءِ دمگ پیرکوہ ءَ بیست ءُ دو سالی ئیں زالبول ءَ وھد سر ءَ الاج نہ بیگ ءِ سبب ءَ چلگی ءِ وھد ءَ ننک ءَ ھوار بیران بیتگ-

زانگ بہ بیت کہ ڈیرہ بگٹی ءَ گائنالوجسٹ یا جنکی ڈاکٹر نہ بیگ ءِ سبب ءَ چہ زالبول چلگی ءِ وھد ءَ دو سد کلومیٹر ءَ دیر پنجاب ءِ دمگاں رحیم یار خان ءُ صادق آباد ءَ برگ بنت کہ اود ءَ نیم راہ ءَ زالبول چلگ بنت وھدے کہ گیشتر زالبول ءُ چُک ھمے میان ءَ ھم بیران بیتگ اَنت-

ڈیرہ بگٹی ءِ تھسیلاں ھمگرنچیں سے لک ءَ گیش آبادی ءِ دمگ ءَ اَبید ایشی ءِ تہ ءَ نادُراھجاہ ، وانگجاہ ءُ دگہ بُنکی آسراتی نیست اَنت-

میٹرنل مورٹیلٹی سروے رِد ءَ پاکستان ءَ چلگی ءِ میان ءَ مرگ ءِ کچ گیشتر بلوچستان ءَ اِنت اود ءَ چلگی ءِ میان ءَ یک لک ءِ تہ ءَ دوسد ءُ نود ءُ ھشت ماتاں وتی ساہ داتگ اَنت-

بلوچستان ءَ سکلڈ برتھ اٹینڈنٹ بزانکہ کسے ھیلکاری ئیں الاج کنوکیں کارمندے ءَ چہ چلگی کنگ ءَ تھنا سی ءُ ھشت درسد اِنت، نزانتکار ءُ بے ھیلکاری ئیں کارمندانی الاج کنگ ءِ سوب ءَ مرگ گیش بوان اَنت-

زانگ بہ بیت کہ بیرانیانی دومی مزنیں سبب پرائمری ءُ ٹرشری ھیلتھ کیئر ءِ نزام ءَ ھستیں نزوری وھدے کہ سیمی مزنیں سبب نادُراھجاہ مردمی توانمندی ءِ کمی اِنت-