روکپتی بلوچستان ءِ بنجاھی شھر زاھدان ءَ سیادی داروکیں دو مردم ماں گنا آباد ءِ زندان ءَ پاھو دیگ بیتگ اَنت-
پاھو دیگ بیتگیں مردمانی پجار حسین سالارزئی ءُ عبداللہ ناروئی ءِ نام ءَ زانگ بیتگ اَنت-
اھوالانی رد ءَ اے مردم پشمبے ءِ روچ ءَ جتائیں کوٹیاں برگ بیتگ اَنت کہ آ مروچی پاھو دیگ بیتگ اَنت-
اھوالانی رد ءَ ایشانی توک ءَ عبداللہ ناروئی ءِ تامر بند ماں زندان ءَ شنگ بیتگ ات-
تامر بند ءَ گوشدارگ بیت اِنت کہ آ وتی کول ءَ گڈی گپ ءُ تران ءَ کنگ ءَ اَنت-
اے ھردوک نشہ واپاری ءِ بھتام ءَ پاھو دیگ بیتگ اَنت کہ آ جتا جتائیں وھداں گرگ ءُ ایرانی آمیدگس ءَ پاھو ءِ سزا داتگ انت-