پنجگور : پاکستانی پوج ءِ دست ءَ کسان سالیں ورنایے بیگواہ

بلوچستان ءِ دمگ چہ پنجگور ءَ پاکستانی پوج ءَ بیڑبرتگ سیزدہ سالی ئیں ورنا آوار جتگ ءُ بیگواہ کتگ-

بیگواہ کنگ بیتگیں ورنا ءِ پجّار بالاچ ء صبراللہ ءِ نام ءَ چہ بیتگ کہ چہ دہ روچ ءَ ساری جند ءِ لوگ زورانسری بیگواہ کتگ-

دمگی اِھوالکار ءِ رِد ءَ دزگیری وھد ءَ پاکستانی پوج ءَ آئی سر ءَ لَٹ کُٹ ھم کتگ ءُ ٹپی ئیں جاوراں گوں وتی ھمراھی ءَ برتگ-

گوشگ بیگ ءَ اِنت کہ ایشی ءَ ساری ھم پوج ءَ آئی ءِ لوگ ءِ سر ءَ بیڑبرتگ لوگ ءَ پروشت ءُ پروش ھم کتگ، گوستگیں ماہ ءَ اشی ءِ لوگ دیم ءَ دو دستی بمب ھم چگل دیگ بیتگ بلے ھچ وڑیں تاوان نہ بیتگ-

اِھوالکار ءِ گوشگ اِنت کہ پاکستانی پوج یکشل ءَ اشی ءِ لوگ سر ءَ بیڑبارت ءُ کھول تُرسینتگ-