بلوچستان ءِ دمگ کیچ ءَ پاکستانی پوج ءَ یک ورنایے آوار جنگ ءَ پد بیگواہ کرتگ-
گیشیں اھوالانی رد ءَ کیچ ءِ دمگ ھوت آباد ءَ گوستگیں شپ ءِ ساھت یک بج ءَ پوج ءَ یک لوگے ءِ سر ءَ بیڑ برتگ ءُ یک ورنایے آوار جتگ-
آوار جنگ بیتگیں ورنا ءِ پجار بالاچ ء حاصل جھمنند ھوت آباد ءِ نام ءَ زانگ بیتگ-
اھوالانی رد ءَ بالاچ گوستگیں شپ ءِ ساھت یک بج ءَ پوج ءَ چہ جند ءِ لوگ ءَ آوار جتگ ءُ برتگ-
زانگ بہ بیت بلوچستان ءَ آوار جنیانی درچ یکشل ءَ برجاہ ءَ اَنت ءُ مروچی کیچ ءِ بنجاھی شھر تربت ءَ واھد کمبر ءِ بیگواھی ءِ ھلاپ ءَ کھول ءَ زھرشانی روانک کش اتگ-