پنجگور ءَ سے مردمانی لاش نادُراھجاہ ءَ سر کتگ اَنت

پاکستان پوج ءِ کاروائی ءَ پد شمبے ءِ بیگاہ ءَ سے مردم لاش پنجگور ءِ سرکاری نادُراھجاہ ءَ سر کتگ اَنت، اے لاش گمان کنگ بیتگ پاکستانی پوج ءِ گوم ءَ میڑ ءَ جنگ بیتگیں مردمانی گوشگ بیگ ءَ اِنت-

نادُراھجاہ کاردار ءِ رِد ءَ لاشانی تہ ءَ یکے ءِ پجّار ذاکر ء عبدالرزاق جھمنند پسنی نام ءَ چہ بیتگ، وھدے کہ آ دگہ دوئینانی پجّار انگت نہ بیتگ-

پاکستانی پوج ءِ جارکش ءِ ادارہ آئی ایس پی آر ءَ گوستگیں روچ ءَ پنجگور ءُ بلوچستان ءِ دگہ دمگاں لشکر کشی ءِ میان ءَ دہ سلاہ بندیں مردمانی جنگ ٹاہ داتگ- بلے جنگ بیتگیں مردمانی پجّار پدر نہ کتگ اَنت-

دمگی اِھوالکار رِد ءَ، شمبے ءِ روچ ءَ پنجگور ءِ کوھی دمگاں تراکانی توار اش کنگ بیتگ اَنت، چریشی ءَ بُرزی اُرش گمں کنگ بیتگ-

اے زانگ نہ بیتگ کہ اے تراک جھلی کاروائی ھساب ءَ کنگ بیتگ یا بُرزی-

زانگ بہ بیت کہ پنجگور ءِ دمگ ءَ پاکستانی پوج پیسر ءَ ھم بُرزی لشکر کشی کتگ، وھدے کہ ایران ءِ نیمگ ءَ چہ ھم اے دمگ ءَ بُرزی اُرش کنگ بیتگ-

پاکستانی پوج ءَ ٹاہ رِد ءَ گوستگیں روچ اُرش ءَ بلوچ آجوئی لوٹوک نشانگ کنگ بیتگ اَنت- بلے آجوئی لوٹوکیں گلانی نیمگ ءَ اے درگت ءَ ھچ وڑیں درشان دیم ءَ نیتکگ-