ڈیرہ غازی خان ءَ پولیس گاڑی دو جتاجتائیں تراکاں چہ نشانگ کتگ اَنت-
مروچی سُھب ءَ ڈیرہ غازی خان ءِ دمگ خان پور ءَ عاظم چوک نزیک ءَ ناشناسیں مردماں پولیس ءِ یک گاڑی یے دستی بمب اُرش ءَ نشانگ کتگ ءُ تتکگ اَنت-
واکدار رِد ءَ تراک ءَ دو پولیس کارمند ٹپی بیتگ اَنت-
ھمے وڑ روجھان زاھد دگ نزیک ءَ پولیس گاڑی تراک ءَ نشانگ کتگ-
ھالانی رِد ءَ پولیس گاڑی ریموٹ کنٹرول آئی ای ڈی تراک ءَ ھما وھد ءَ نشانگ کتگ وھدے آ کچے نیمگ ءَ روگ ءَ بیتگ –
واکدار ءَ دمگی ھند ءَ بستگ وھدے کہ تاوانانی درگت ءَ ھچ وڑیں ھال دیم ءَ نیتکگ-